Levítico 23:14 - Kashibo-Kakataibo Biblia

¹⁴ Usakin anun ꞌë nanxunti nëtë ꞌitamainun kamina mitsun pán këñun trigo tutushokë akëñun aín paxabi nankë anua bixun pitima ꞌain. Ënë banax ka uínsaranbi ënkinmami ax kikësabiokin ꞌati ꞌikën, usa ꞌikë ka aín papan tan ꞌikë aín bakë bëchikë kamanribi uinu ꞌikë menu kara tsotia anuxunbi ënë bana tankin ꞌati ꞌikën.

Levítico 23:14 ပူးပေါင်းရင်းမြစ်များ

Nehemías 9:14

ꞌInánkin kamina uisai kara sábado nëtë ꞌikëbë tantiti ꞌikë aribi ꞌunámianan a tanti banakama asérabia min uni Moisésnën upíokin ꞌunánminun ꞌamiakën.

Salmos 19:8

Dios kikë banakama ax ka asérabi ꞌikën, usa ꞌixun ka an ñu upí ꞌakë unikama ꞌain nuitu kuëëmia. Ax kikësabi oi ꞌiti Diosan bana an ka bëtsi banakama këñun mëskukëma ꞌikën, usa ꞌixun ka unin sinan upí ꞌimia.

Éxodo 34:26

Mitsun ñu ꞌapákë ax pain bimikë aín bimi upíirabu bitankëxun kamina anuxun ꞌë rabiti xubusokin ꞌakë anu uanti ꞌain. ꞌAnan kamina cabranën tuá aín bënë rëtankëxun aín titan xuma bixun anun ꞌarutima ꞌain.

Levítico 23:31

Anun kamina uisa ñu mëëtibi ꞌatima ꞌain. A banax ka uínsaranbi ënkinma ax kikësabiokin ꞌati ꞌikën, usa ꞌikë ka ain papan tan ꞌikë ain bakë bëchikë kamanribi uinu ꞌikë menu kara tsotia anuxunbi tanti ꞌikën.

Levítico 23:41

Kamabi baritia anúan mapai achúshi ꞌimainun rabë́ ꞌuxë ꞌirukë, anun kamina mapai achúshi ꞌimainun rabë́ nëtë inúkin ꞌë rabikin achúshi fiesta ꞌai timë́kanti ꞌain. Ax ka usaibi ꞌikanti achúshi bana ꞌikën, usa ꞌikë ka aín papan tan ꞌikë ain bëchikë kamanribi tanti ꞌikën.