Levítico 19:4 - Kashibo-Kakataibo Biblia

⁴ Usa ꞌain kamina a rabinuxun bëtsi ñu uniotima ꞌain, ꞌimainun kamina dios isa kixun a rabinuxun manë charoxun uniotima ꞌain. ꞌËx kana mitsun Dios ꞌain.

Levítico 19:4 ပူးပေါင်းရင်းမြစ်များ

Salmos 96:5

Bëtsi ëmanu ꞌikë unikaman rabikë dioskama ax ka kushiñuma ꞌaish ñuumara ꞌikën, ꞌaínbi ka anu rabikë Nukën ibu an kuni naíkamë ꞌëokama uniokëxa.

Éxodo 20:23

Uisaxunbi kamina rabinuxun kuri ꞌanan manë uxua ꞌatankëxun ꞌë ꞌakësa okin uniotankëxun a rabitima ꞌain.

Éxodo 32:4

buánxunkëxun timëxun ka kurikama charokëxa, charatia ka vaca bëna tankin i ꞌakë anu ꞌaruakëxa, ꞌarukëxa xëntsai ꞌikë ax ꞌiruia ka manë xëta okë cincel anun ramëniokin vacabi ꞌinun upíokin mëníokëxa. Mëníotankëxun ka atu ꞌinánkëx ka Israel unikamax kiakëxa: —Ënëx ka dios an Egipto menua nukama chikínbëtsinkin bëkë a ꞌikën.

Éxodo 34:17

Uinsaranbi kamina mitsun manë charoxun unisa okin ꞌatankëxun a rabitima ꞌain.

Levítico 19:25

ꞌimainun kamina mapai achúshi bari ꞌikëbëtan bixun mitsun ñu ꞌapákë aín bimi piti ꞌain. Usokin ꞌakëbë ka mitsun ñu ꞌapákë aín bimi ꞌaisamaira ꞌinun bimiti ꞌikën. ꞌËx kana mitsun ꞌIbu Dios a ꞌain.

Levítico 19:5

Uínsaran kaina mitsun a ñukama ꞌë ꞌaxunkin ñuina anun mëníonanti ꞌakin xaroin, anun kamina ꞌëx kuëëntisabi okin ꞌanan unikama kuëëntisabi okin ꞌakánti ꞌain.

1 Corintios 10:14

ꞌËn nuibacë xucë́antu, unínbi ꞌacë ñu a camina ami ꞌunánquin rabitima ꞌain.

Deuteronomio 4:16

bërúankanan kamina uisa ñubi uniokin uni tankin ꞌanan xanu tankinribi uniotima ꞌain,

Deuteronomio 7:25

ꞌAnan kamina mitsúnbi atun diosmabi rabikë ñukamaribi në́nti ꞌain, ꞌaínbi kamina ami bikë kuri ꞌimainun manë panshian akama bisa tantima ꞌain; usakin ꞌaibi ꞌatima ñu ꞌati sinania ka Nukën ꞌIbun a upí istima ꞌikën.

1 Juan 5:21

ꞌËn bëchicësa ꞌicë cana mitsu cain, anbi sinánxuan dios isa quixun a rabinuxun unínbi ꞌacë ñucama camina rabitima ꞌain. Ashi, Juan.