Levítico 19:34 - Kashibo-Kakataibo Biblia

³⁴ Mitsúxmi nuibanankësaribi okin kamina aturibi nuibati ꞌain, atux ka mitsusaribi ꞌikën. Mitsux pain kamina atux ꞌikësaribiti Egipto menu ꞌikë uni ꞌaímabi tsóakën. ꞌËx kana mitsun Dios a ꞌain.

Levítico 19:34 ပူးပေါင်းရင်းမြစ်များ

Levítico 19:18

Axa mimi nishkë uni nuibatima ami nishanan kamina axa mibë nuibanankë unikamaishi nuibatima ꞌain. Min ꞌunánkë uni kamina mixmi bërúankakësaribi okin bëruánti ꞌain. ꞌËx kana mitsun ꞌIbu ꞌain.

Levítico 19:3

Mitsun kamina min papa bana kuanan min titan banaribi kuati ꞌain. ꞌImainun kamina anun ñu mëëtima nëtë ꞌikëbë anun tantiti ꞌain. ꞌËx kana mitsun Dios ꞌain.

Mateo 5:43

Ësai quicë banaribia ñuia camina cuan: “Axa mimi nishcë uni nuibaquinma camina axa mibë nuibanancë unishi nuibati ꞌain”.

Deuteronomio 10:19

Mitsun kamina bëtsi menu tsókë unikama nuibati ꞌain, mitsux pain kamina bëtsi menu tsókë uni ꞌaíshbi Egipto kakë ëmanu tsókankën.

Rut 2:10

Usakin kakëxun ka Rutnën aín bëmánanën me tikai tëtúbuti ꞌikin Booz ñukákëxa: —¿Uisaxun kaina min ꞌë ꞌunán ꞌixunmabi ax ka upí sinánñu xanu ꞌikë kixun, ꞌëx bëtsi menu ꞌikë xanu ꞌikëbi ꞌë ꞌunánin?