Levítico 19:30 - Kashibo-Kakataibo Biblia

³⁰ ꞌAnun ꞌë rabiti nëtë ꞌikëbë kamina anun tantiti ꞌain. ꞌImainun kamina anuxun ꞌë rabiti xubusa okin ꞌakë anuxunribi uisa ꞌatima ñubi ꞌatima ꞌain. ꞌËx kana mitsun ꞌIbu a ꞌain.

Levítico 19:30 ပူးပေါင်းရင်းမြစ်များ

Salmos 89:7

Dios chaiira ꞌimainun ami rakuë́ti mi ka, naínuxun min ángelkaman mi bëarabuinxun rabikania.

Éxodo 20:8

Anun ñu mëëtima nëtë axa bëtsi nëtë kamasama ꞌain kamina a nëtë ꞌikëbëtan ꞌëshi rabiti ꞌain.

Levítico 16:2

Usa ꞌain ka Nukën ꞌIbun Moisés kakëxa: —Min xukë́n Aarón kamina ësokin kati ꞌain, bëtsi nëtë́an uisaxi anu ꞌëx ꞌikë upíira kakë chupa bëpankë a kaxú atsíaxma ꞌinun kanan kamina, bunántisa okin ꞌakë anun mapukë a ꞌurama oxuma ꞌanun kati ꞌain, anu kuaníbi ka bamati ꞌikën; ꞌëx kana aín mapúti ꞌikë anu kuin mëu mërati ꞌain.

Levítico 19:3

Mitsun kamina min papa bana kuanan min titan banaribi kuati ꞌain. ꞌImainun kamina anun ñu mëëtima nëtë ꞌikëbë anun tantiti ꞌain. ꞌËx kana mitsun Dios ꞌain.

Mateo 21:13

Usaquin ꞌaquin ca cacëxa: —Nucën Papa Diosan bana cuënëo ca ësai quia: “Anuxun ꞌë rabiti xubu ax ca anuaxa camabi unix ꞌëbë banati xubu ꞌiti ꞌicën”. Usaía cuënëo bana quicë ꞌaínbi camina mitsun anuxun ñu maruquin uni paránquin mëcamati xubusa ꞌinun ënuxun ñu maruin.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

1 Pedro 4:17

An aín bana ꞌacë unibi ca Nucën Papa Diosan uisai cara ꞌia quixun isia. Usa ꞌixun ca an aín bana cuacëma unicama aira atun ñu ꞌatima ꞌacë isquin uisaira cara oti ꞌicë usoquin ꞌati ꞌicën.