Levítico 19:17 - Kashibo-Kakataibo Biblia

¹⁷ Mix abë ꞌikë unimi ꞌatimakin sinani kamina ami nishtima ꞌain. Min ꞌunánkë unían ꞌatima ñu ꞌaisatania ꞌunánkin kamina ꞌaxunma ꞌanun kati ꞌain. Usakin ñu ꞌaia iskinbi min ꞌunánkë uni kakëma ꞌaish kamina abëbi ꞌuchakë ꞌiti ꞌain.

Levítico 19:17 ပူးပေါင်းရင်းမြစ်များ

Génesis 27:41

Usakian ꞌakë ꞌain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, ꞌimainun ka sinánkëxa: “Ënuax basiramashi kana ꞌën papa ñukëbë ꞌitsaira masá nuituti nitë́xëti ꞌain, usai ꞌikin kana ꞌën xukë́n Jacob rëti ꞌain.”

Lucas 17:3

Usaquin uni ꞌuchamiti rabanan camina bërúancati ꞌain. Axa mix ꞌicësaribiti Nucën Papa Diosmi sináncë uníxa mimi ꞌuchaia camina —ësai camina ꞌëmi ꞌucha —quixun caquin sinanamiti ꞌain. Usocëxa sinanatia camina mimia ꞌuchacë a abë mëníonanquin manumiti ꞌain.

Romanos 1:32

Atun ca ꞌunania, Nucën Papa Diosan mëníosabi oi ca usa unicama ainanma ꞌaish xënibua ꞌaínbi abë ꞌitima ꞌicë quixun. Usaía Nucën Papa Dios quia a ꞌunánxunbi ca usa ñu ꞌaia. Atúinshi ꞌaíma ca uni itsínribia usaribi oquin ꞌaia isti cuëënia.

1 Corintios 5:2

¿An usa ñu ꞌacë uni mitsubë ꞌaínbi caramina mitsun —nux cananuna asábi ꞌai —quixun sinanin? Usaquin sinanima camina mitsux —nux cananuna ꞌaisama ꞌai —quixun sinani rabínti ꞌain. Rabínquin camina a uni mitsubë ꞌinúnma chiquínti ꞌain.

Gálatas 6:1

ꞌËn xucë́antu, axa Jesucristomi catamëcë unían manúxun ñu ꞌaisama ꞌaia camina mitsux asérabi Nucën Papa Diosan Bëru Ñunshin Upitan sinánmicë ꞌixun axa upí ꞌinun quixun nuibaquin ꞌaquinti ꞌain, rabíquin —ꞌëx cana ꞌuchañuma ꞌai —quixun sinánquinma. Mixribi usai ꞌitin rabanan camina bërúancati ꞌain.

Efesios 5:11

Ax bëánquibucënu nicësa uni an ca axa cuëëncësa oquinshi ñu ꞌaquin, Nucën Papa Diosmi sinánquinma uni itsiribi ami sinánun ꞌaquinti sinanima. Usaía ax ꞌicë unicama camina atun ꞌacësaribi oquin ꞌaquinma, —usaquin ñu ꞌati ca ꞌaisama ꞌicë —quixun upí oquin ꞌunánmiquin ꞌësëti ꞌain.

1 Timoteo 5:20

Usa ꞌixuan asérabi ënquinma ꞌaisama ñu ꞌaia camina axa Jesucristomi catamëcë unicama timë́cënuxun sinanatánun ꞌësëti ꞌain, usaquinmi caia cuaquian axa Jesucristomi catamëcë uni raírinën —ꞌënribi cana usaquin ꞌatima ꞌai —quixun sinánun.

1 Timoteo 5:22

Upí oquin aín nuitu ꞌunánxunmaishi camina uni axa Jesucristomi catamëcë unicaman cushi ꞌimitima ꞌain. Upí oquin pain uisa uni cara quixun istancëxun camina min mëcën anu nanquin anëti ꞌain. Isunmabi upíma uni anëaxbi camina usaribiti upíma ꞌiti ꞌain. Usaquin ñu ꞌati rabanan camina bërúancati ꞌain.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.

Tito 1:13

A unían aín aintsi ñuicë bana ax ca asérabi ꞌicën. Usa ꞌain camina a unicama ꞌësëquin Nucën Papa Diosan bana upí oquin cuatía a bana quicësabi oi ꞌinun upí oquin sinanamiti ꞌain.

Tito 2:15

ꞌËn mi cacë banacama ënë camina unicama ꞌunánmiti ꞌain. Atúxa, asérabi ca a bana icë quixun sinani racuëtima Jesucristomi cushicë ꞌinun ꞌësëanan camina atúan ꞌaisama ñu ꞌaxunma ꞌanun caquin ꞌësëti ꞌain. Usoquin ꞌaquin camina ui unínbi mi timaquin min bana cuaisama tanun ꞌimitima ꞌain.

1 Juan 2:11

Usa ꞌaínbi ca nuibatíma bëtsi unimi nishcë uni an Nucën Papa Diosbë upíma ꞌixun ñu ꞌatima ꞌatishi sináncë cupí sinánñumasa ꞌixun uisai cara ꞌiti ꞌicë quixun ꞌunanima.

1 Juan 2:9

Uix cara —ꞌëx cana ainan ꞌaish Nucën Papa Diosbë upí ꞌai —quibi nuibatíma uni itsimi nishia, ax ca Nucën Papa Diosnanma pain ꞌicën.