Levítico 19:14 - Kashibo-Kakataibo Biblia

¹⁴ ꞌImainun kamina pabë unikamami ꞌatimati banai ami kuaitima ꞌain. ꞌIanan kamina anúan uni bënxuñu niti aín bainu ami tuaxkia pakëtisa okin ñu nantima ꞌain. Usakin ꞌakinma kamina ꞌën bana kikësabiokin ꞌakánti ꞌain. ꞌËx kana min ꞌIbu ꞌain.

Levítico 19:14 ပူးပေါင်းရင်းမြစ်များ

Génesis 42:18

usakin sipuaxunbi ka rabë́ ꞌimainun achúshi nëtë ꞌikëbëtan atu kakëxa: —ꞌËx kana Dios kikësabi oi ꞌikë uni ꞌain. Usa ꞌain kamina mitsun ꞌën kakësabiokin ꞌati ꞌain, mitsúxmi nu këmë kuatsinxun ꞌutuni ukë ꞌikëbi:

Levítico 19:15

Unin mix ꞌapu aín bëtsi unibëtan bana mëníoxun kakëxun kamina kana ꞌaima kakinma an ñu ꞌakë ëanan, an ñu ꞌakëma a tëmëratanun ꞌatima otima ꞌain, uisa ñu kara ꞌaxa kixun pain istankëxun kamina a rabë́bi tëmëramiti ꞌain.

Levítico 19:32

Uni apankama mi rapasu ukëbë kamina ax kuaintamainun niruti ꞌain. Usai ꞌi kamina ꞌëx kikësabi oi ꞌiti ꞌain. ꞌËx kana mitsun ꞌIbu a ꞌain.

Romanos 12:14

Axa mitsumi nishcë uni a camina ami nishquinma axribi upí ꞌinúan ꞌaquinun Nucën Papa Dios ñucáxunti ꞌain. Ami nishquin a ꞌatimonun quixun caquinma camina axa upí ꞌinúan ꞌaquinun Nucën Papa Dios a uni ñucáxunti ꞌain.

Romanos 14:13

Usa ꞌain cananuna nux Cristonan ꞌaish raíri ñui —an ca ñu ꞌaisama ꞌaia —quiax manántima ꞌain. Usai ami manánquinma camina sinánti ꞌain, uni raírinëxa —usa ñu piti ca ꞌaisama ꞌicë —quixun sinánxbi ꞌën piia isquin anribi pi ꞌuchatin rabanan cana ꞌën a ñu pitima ꞌain.

1 Corintios 10:32

Usoquin camina uinu ꞌicë unibi, judíos uni ꞌimainun judíosma uniribi, ꞌimainun axa Jesucristomi catamëcë unicamaribi, Nucën Papa Diosmi ꞌuchati sinánmitima ꞌain.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.

1 Pedro 2:17

Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

Apocalipsis 2:14

Mitsúxmi usa ꞌicëbi cana ësaquin mitsu cain: Micama raírinën camina unían Balaanën cacëxun ꞌatima ñu ꞌásaribi oquin ꞌain. Balaanën ca an Israel unicama ñusmoisa tancë capitán, Balac cacë, a ësaquin cacëxa: Min menu ꞌicë bënëñuma xanucama camina Israel uni parania atubë ꞌinun cati ꞌain. Usai abë ꞌiquin ca ax isa dios ꞌicë quixuan min unicaman rabicë ñu a rabiquian ñu pinun ꞌimiti ꞌicën. Balaanëan usoquin sinánmia ꞌaían usaribi oquin axa mitsubë ꞌicë uni raírinënribi sinánmicëxun camina mitsu raírinën usaribi oquin ñu ꞌatima ꞌain.