Levítico 16:4 - Kashibo-Kakataibo Biblia

⁴ Usai anu kuankin ka aín tari upíira, sacerdotekaman pañukë chupa lino ꞌakë, ꞌanan ka a ꞌukëmëu pañukë lino ꞌakë a ꞌimainun, anun tsitëkërëkiti ꞌakë anun tsitëkërëkianan aín mañuti akë aribi mañuax kuanti ꞌikën. Ax ka chupa kata upíira a ꞌikën, usa ꞌain ka akama pañunux pain upiti nashiti ꞌikën.

Levítico 16:4 ပူးပေါင်းရင်းမြစ်များ

Isaías 53:2

Nukën ꞌIbun ka kuëëankëxa, aín uni axa ñu ꞌapákëx bërí koi kani aín tapunkama me ëskikë ꞌukëmëu kuankë usairibi ꞌiti. Usa ꞌaínbi ka upíma ꞌianan, chabáchabákikë upima ꞌiakëxa, ain namix ka usa ka kixun unin ñachakin istisama ꞌiakëxa;

Levítico 16:23

Usakin ꞌatankëx xubusa okin chupa ꞌakë anu atsínuxun ka Aarónën kata itsi upíira kakë anu atsínuxuan pañukë lino ꞌakë aín chupa a pëtankëxun anubi nanti ꞌikën.

Levítico 16:24

Usakin ꞌatankëx ka xubusa okin ꞌakë anua ꞌikë ꞌumpax anunbi nashianan aín chupa itsi pañutankëx anuax chikixun aín ñuina a pain aín ꞌucha kupí ꞌatankëxun Israel unikamanan aribi ꞌaxúnti ꞌikën, usakin ꞌakëbë ka ain ꞌuchakama tërëanan Israel unikaman ꞌucharibi tërënxunkë ꞌiti ꞌikën.

Levítico 16:32

Usa ꞌain ka sacerdotenën bëchikë aín papan ꞌakësaribi okin kaísun anëkë an ishi, usakin ꞌati bana kikësabi okinshi atun ꞌatimakëkama tërënxunun ꞌati ꞌikën; ꞌanuxun ka aín chupa lino ꞌakë sacerdotekaman pañukë a pañuti ꞌikën.

Lucas 1:35

Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Filipenses 2:7

Aín nëtë ëbëtsini utancëx uni ꞌaish ca aín Papa cuëëncësabi oquin camabi uni ꞌaquinux ënë menu ꞌiacëxa.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.