Levítico 16:33 - Kashibo-Kakataibo Biblia

³³ Usai mëníokatankëxun ka kata itsi upíira upí kakë a mëníonan xubusa okin chupa ꞌakë aribi ꞌanan anuxun ñuina xarokë aribi mëníoti ꞌikën, ꞌusakin ꞌakëbëtan kana sacerdotenën ꞌatimakëkama ꞌanan kamabi unix ꞌatimakëkama tërënti ꞌain.

Levítico 16:33 ပူးပေါင်းရင်းမြစ်များ

Levítico 16:11

Aarónën ka vaca bakë a rëtankëxun ꞌuchakama kupí xaroti ꞌikën, usakin ꞌaia kana aín ꞌucha tërëanan aín aintsi ꞌuchakamaribi tërëxunti ꞌain.

Levítico 16:16

Usakian ꞌakëxun ka kata itsi upíira a mëníokin anua ñu upíshi ꞌati ꞌikëbi ꞌaíma ꞌatima ñu ꞌai ꞌuchakin Israel unikaman ꞌakëma ꞌimainun ñunshinakëkin ñu ꞌai ꞌuchakë akama mëníoti ꞌikën. Usaribi okin ka anuax ꞌëbë banati xubusa okin ꞌakë atu nëbëtsi ꞌikë ñu ꞌatima ꞌakëbëtan atun ꞌuchakaman ꞌatimokë ꞌikëbi aribi mëníoti ꞌikën.

Levítico 16:24

Usakin ꞌatankëx ka xubusa okin ꞌakë anua ꞌikë ꞌumpax anunbi nashianan aín chupa itsi pañutankëx anuax chikixun aín ñuina a pain aín ꞌucha kupí ꞌatankëxun Israel unikamanan aribi ꞌaxúnti ꞌikën, usakin ꞌakëbë ka ain ꞌuchakama tërëanan Israel unikaman ꞌucharibi tërënxunkë ꞌiti ꞌikën.

Levítico 16:6

ꞌAtankëxun ka vaca bëna bëkë a aín ꞌuchakë kupí xarokësa ꞌinun ꞌanan ka ꞌën aín ꞌuchakëkama mëníonan aín aintsi ꞌibukaman ꞌuchakë kupínribi ꞌati ꞌikën.

Levítico 23:28

ꞌAnan ka a nëtën uisa ñu mëëtibi ꞌatima ꞌikën, ax ka anun ñu ꞌatima ꞌakëkama mëníoti nëtë ꞌiti ꞌikën, a nëtën kana ꞌën mitsun ꞌuchakama tërënti ꞌain.