Levítico 16:29 - Kashibo-Kakataibo Biblia

²⁹ Ënëx ka achúshi bana ax kikësabi oi mitsux ꞌiti bana ꞌiti ꞌikën: mapai achúshi ꞌimainun rabë́ ꞌuxë ꞌirukë anúan mapai rabë́ sënë́nkë nëtë anun kamina mitsux ñu pima samáti ꞌain, ꞌimainun kamina mitsun ñu mëtikamaribi a nëtën ꞌatima ꞌain, usakin mitsun ꞌakëbëtan ka axa mitsubë tsókë bëtsi menu ꞌikë unikaman usaribi okin ꞌati ꞌikë,

Levítico 16:29 ပူးပေါင်းရင်းမြစ်များ

1 Reyes 8:2

Anúan ꞌaisamaira uni mapanati okin atun ꞌuta ꞌax ꞌikanti fiesta nëtë ꞌiti mapai achúshi ꞌimainun rabë́ ꞌuxë këñuti kuankëbë ka ꞌapu Salomónbë kamabi Israel aín kushikama timëakëxa.

Esdras 3:1

Anua mapai achúshi ꞌimainun rabë́ ꞌuxë ꞌikë anun ka kamabi Israel unikama Jerusalén ëmanu timëkamë ꞌëokëxa.

Salmos 69:10

Usa ꞌain ꞌëx pima ꞌianan inia isi unikama ꞌëmi kuaikania;

Éxodo 12:16

Usa ꞌain kamina a nëtë ꞌirutabakëbëmi timë́kë, a nëtën timëkamë ꞌëoxun mapai achúshi ꞌimainun rabë́ nëtë sënë́nmi timë́xun ꞌë rabiti aín. A nëtëkaman ka Israel unikaman aín ñu mëi kuankima, aín piti achúshi achúshi unin a fiesta ꞌakin piti ꞌati ꞌikën.

Éxodo 20:10

ꞌaínbi ka mapai achúshi ꞌimainun achúshi nëtë ꞌiónx pë́karakë anun ñu mëëtima nëtë ꞌikë anun kamina ꞌë rabiti ꞌain. A nëtën kamina añu ñu mëëtibi ꞌatima ꞌain, mitsun bëchikëkama, min bëchikë xanu, min ñumëmikë uni, an mi ñu ꞌaxunkë xanu, min ñuina, ꞌimainun min xubunu ꞌikë bëtsi menu ꞌikë uni akamanbi ka añu ñubi ꞌatima ꞌikën.

Isaías 58:13

Anun ñu mëëtima nëtë ꞌikëbëtan kamina; mitsun maruti ñu marutima ꞌain: ax ka ꞌën nëtë upíira ꞌikën. Usa ꞌain ka a nëtë anun kuëënti nëtë, kakin anëkë ꞌain Nukën ꞌIbun anun rabiti nëtë ꞌain añu ñubi uinu ꞌikë unínbi ꞌatima ꞌikën; usa ꞌain kamina a nëtën mintsun sinánkësa ꞌoíshi bananan, mitsunan ꞌiti ñuishi ꞌanan mitsun ñu marutishi ꞌakantima ꞌain.

Isaías 58:3

usai ꞌibi ka kikania. ¿Uisa kupín karanuna Diosan iskëbëtanmabi pikëmëti ꞌain? ¿Uisa kupín karanuna Diosan ka usai ꞌi tëmëraia kixun ꞌunánkëbëmabi usai ꞌiti ꞌain? Anunmi pikëmëti nëtën kamina mitsun ñukama marutishi ꞌanan, a mitsun ñu mëmikë unikamaribi ꞌatima okanin;

Isaías 58:5

¿Mitsun sinánkëx kara usakin piti mëëkin ꞌakë ax anun ꞌëx kuëëntisa ꞌikë uínsaran karamina masá nuituti tëmërakani basi ꞌikësai ñanati, ꞌikin chupa chuakë pañuax chimapunu rakakë ax asabi ꞌiti ꞌik? ¿A kaina mitsun anun pikëmëtisa kanan a nëtën ka Nukën ꞌIbu usakin ꞌakankëbë kuëënia kixun sinánkanin?

Levítico 23:21

A nëtënbi kamina ꞌë rabinux timë́kanti ꞌain, ꞌimainun kamina anun uisa ñu mëëti chabi ꞌatima ꞌain. Ënë banax ka uínsaranbi ënkinma ax kikësabiokin ꞌati a ꞌikën, usa ꞌikë ka aín papan tan ꞌikë aín bakë bëchikë kamanribi uinu kara tsotia anuxunbi ënë bana tanti ꞌikën.

Levítico 23:3

Mapai achúshi ꞌimainun achúshi nëtë anun kamina mitsun ñu mëëti ꞌati ꞌain, ꞌaínbi kamina a ꞌiónxa pë́karakë anun uisa ñu mëëtibi ꞌatima ꞌain; ax ka anun ñu mëëtima upí nëtë ꞌiti ꞌikën. Anun kamina uinu karamina tsotin anuxunbi timë́xun min ꞌIbu rabikanti ꞌain.

Levítico 23:36

A nëtë kaman ka mapai achúshi ꞌimainun rabë́ nëtë timë́xun ꞌë nanxunkë ñukama xaroti ꞌikën, ꞌimainun ka a pëkarakëbë upiti timëanan ꞌë nanxunkë ñukama a xaroti ꞌikën. Ax ka achúshi nëtë anun timëanan uisa ñu mëëti chabi atima nëtë ꞌikën.

Hechos 27:9

Anu bëbaquiani cuancëbëa, mita rënimëbúcëbë ca parúnpapan cuanti ꞌaisama ꞌiacëxa. Usa ꞌain ca Pablonën axa nubë cuancë unicama ësaquin cacëxa:

1 Corintios 11:31

Usa ꞌaínbi ca nun ꞌuchacama mëníocë ꞌixun —asérabi ca Jesucristo cupí Nucën Papa Diosan iscëx ꞌën nuitu upí ꞌicë —quixun sinánquinu pán ꞌimainun bimi baca ꞌaia, Nucën Papa Diosan nu ꞌuchotima ꞌicën.

Hebreos 4:10

Uicamax cara ax cuëëncësa oíshi ꞌiti sinani bënë́ti a ëni, ami catamëti Nucën Papa Dios cuëëncësabi oi ꞌia, ax ca Nucën Papa Dios ñucama uniotancëx cuëëansaribi oi ꞌia.

1 Samuel 7:6

Usakin kamikëx ka israel unibu Mispá kakë ëmanu timë́kankëxa, anuxun ka raíri unikaman ꞌumpax bitankëxun a ꞌinaishikësa ꞌitánun menu ampë́nkakëxa. Usakin ꞌakë ax ka Nukën ꞌIbu ꞌinaishiti nankë ñu ꞌiakëxa. Usakin ꞌatankëxun ka a nëtën unikama añu ñubi pima samákin atun ꞌuchakëkama Nukën ꞌIbu chikinaxunkankëxa. Anuxun ka Samuelnën Mispá kakë ëmanuxun Israel unikama aín ꞌapu ꞌixun atu ꞌakinkin pëuakëxa.