Levítico 16:26 - Kashibo-Kakataibo Biblia

²⁶ usokin ꞌamainun ka uin kara anu uni ꞌikëma me anua Azazel ꞌikë anu chibu ëbëtsinkë uni axribi aín chupa chukanan upiti nashitankëx anua ꞌikankë anu atsínti ꞌikën.

Levítico 16:26 ပူးပေါင်းရင်းမြစ်များ

Levítico 16:10

aínbi ka ñuratsu ainan ꞌitanun ꞌakë ax amiki pakëkë ax ka Azazelnan ꞌiti ꞌikën. A ka rëkëma asábi anun aín kata itsi upíira anu atsínkianti aín xëkuë a ꞌurama anu bëkë ꞌiti ꞌikën, anu bëkë ꞌain ka atun ꞌuchakama mëníokin anu ꞌaruia ka anu uni ꞌikëma me anua Azazel kakë ñunshin ꞌatima ꞌikë anu atun ꞌuchakama buani kuantanun xuti ꞌikën.

Levítico 16:25

ꞌImainun ka atun ꞌucha kupí xarokë ñuina aín xëni aribi anuxun ñuina xaroti ꞌakë anuxunbi xaroti ꞌikën;

Levítico 16:28

Xarotankëx ka uni an ñuina nami xarokë ax ꞌumpaxan nashianan aín chupa chukatankëx, anua ꞌikankë anu kuantëkënti ꞌikën.

Levítico 16:8

ꞌatankëxun ka ñuratsu amo rabë́bi kuënëoxun uimiu kara pakëtia isnuxun anun cabra rabë́ a tanti ꞌikën: Uinu ꞌikë ax kara ꞌënan ꞌiti ꞌikën ꞌimainun kara uinu ꞌikë ax Azazelnan ikë isnuxun tanti ꞌikën.