Jueces 9:17 - Kashibo-Kakataibo Biblia

¹⁷ ꞌËn papa ax ka mitsu ꞌakini ñuti tana madianita unikamabë mitsu kupín ꞌakanankëxa;

Jueces 9:17 ပူးပေါင်းရင်းမြစ်များ

Romanos 16:4

Atun ca, —Pablo ꞌaquini sapi cananuna bamati ꞌai —quixun ꞌunánquinbi ꞌë bamati ꞌicëbi ꞌaquinquin ië́miaxa. Usaquin ꞌë ꞌacë cupí cana —asábi ca —quixun cain. ꞌËinshima ca judíosma unicama a ꞌën bana ñuixuncë, acamanribi, Priscilabëtan Aquilanën ꞌë ꞌaquincë cupí, —asábi ca —quixun cai cuëënia.

Romanos 5:8

Usa ꞌaínbi ca Nucën Papa Diosan nuxnu ꞌuchañu ꞌicëbi nu nuibaquin nun ꞌucha tërë́nuxa Cristo bamanun mëníocëxa. Usaquian mënío sinánquin cananuna ꞌunanin, uisaira oquin cara nu nuibatia quixun.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.

Jueces 9:16

Bërí kana ꞌën mitsu ñukatin: ¿Mitsun kaina asérabi Abimélec ꞌapu ꞌimikin upíokin ñu ꞌan? ¿Mitsun kaina ꞌën papa Jerubaal ꞌimainun aín aintsi ꞌakinkësaribi okin mitsunribi ꞌakian?

Jueces 9:18

usa ꞌaínbi kamina bërí mitsux ꞌën papa ꞌimainun aín aintsikamami nishkin aín bakë bëchikë setenta unikama a maxá chaiira ꞌikë anuxun ꞌakan. Usokin aín xukë́nkama ꞌaxun kamina, xukënñuma uni ꞌakësokin Abimélec ꞌapu anëkan, ax ka Jerubaalnëa aín xanu an ñu mëëxunkë xanumi bakë bëchia ꞌaish mitsun aintsi ꞌikë kupíshi kamina usokin ꞌakan.

1 Samuel 19:5

an ka filisteo uni achúshi axa ꞌakánanti ꞌunánkë ꞌikëbi ꞌakëmasa okinshi Goliat an ira ꞌaisa ꞌixunbi ꞌaxa, usakin ka Israel unikama ꞌakinun Nukën ꞌIbun ꞌamiaxa, ꞌaia kamina minbi isan isi kamina ꞌitsaira kuëan. ¿Usa ꞌain kamina ñu ꞌaisama ka ꞌakëma ꞌikë David ꞌati sinántima ꞌain?