Jueces 8:32 - Kashibo-Kakataibo Biblia

³² Usa ꞌain ka Gedeón kaniakëkë ꞌaish aín ñuti nëtë sënënkëbë ñuakëxa, ñukë ka ain aintsikaman anua ain papa Joás ñuia maían bashi kini anubi maínkankëxa, ax ka Ofrá kakë ëma anua Abiézernën rëbúnkikama tsókë me anu ꞌiakëxa.

Jueces 8:32 ပူးပေါင်းရင်းမြစ်များ

Génesis 15:15

Mix kamina ꞌitsa baritia tsóti kuëënnuxun ꞌain, usai ꞌitankëx kamina xënira ꞌaish ñuti ꞌain, ñutankëx kamina min rara kamabë timë́ti kuanti ꞌain.

Génesis 25:8

ka uni ꞌikësabi kaniakëtankëx ñuakëxa. Ñui ka ꞌain chaitiokëkama ñua ꞌaísh anu bukukë abë ꞌi kuankëxa.

Job 5:26

ꞌIanan kamina min kaniakëti nëtë ꞌikëbë xënibutibi samabuirakëma kushi pain ꞌiti ꞌain, usai ꞌi kamina ñu bimi ꞌapá pëkëtia bikëxa upí ꞌikë usaribi ꞌiti ꞌain.

Jueces 6:24

Ësokin kakëxun ka Gedeónën anuxun ñuina xaroti achúshi anubi ꞌatankëxun anuxun Nukën ꞌIbu rabikin xarotankëxun; “Nukën ꞌIbuinshi ka nu chuámarua ꞌimia kixun kakin anëakëxa. Anuxun ñuina xaroti Gedeónën ꞌa ax ka bëríbi anua Abiézernën rëbúnkikama ꞌikë Ofrá kakë ëma anu ꞌikën.”

Jueces 8:27

A kurikama timë́kë ka Gedeónën achúshi ñu pará ꞌinun ꞌakëxa ꞌakë ka a rabikanti Ofrá kakë ëma anu nitsíankëxa, usokin ꞌakë ka kamabi Israelkamax efod a rabi Nukën ꞌIbumi sinánma ꞌikën, usakian Gedeónën ꞌakë ax ka ainan ꞌimainun aín aintsikamanan achúshi ñu ꞌaisama ꞌakë ꞌiakëxa.

Jueces 8:31

ꞌImainun ka achúshi xanu Siquem kakë ëmanu ꞌikë an ñu ꞌaxunkë amiribi achúshi okin bakë bëchiakëxa, bakë bëchixun ka aribi Abimélec kakin anëakëxa.

Jueces 8:33

Usai Gedeón ñukë ꞌain ka Israel unikama amiribishi amabi dios isakixun bëtsi bëtsi ñu Baal ꞌaxunkë a rabi Diosmi manúkankëxa, manukin ka amabi Baal-berit kakë ax isa Dios ꞌikë kixun sinánkin rabikankëxa.