Jueces 8:31 - Kashibo-Kakataibo Biblia

³¹ ꞌImainun ka achúshi xanu Siquem kakë ëmanu ꞌikë an ñu ꞌaxunkë amiribi achúshi okin bakë bëchiakëxa, bakë bëchixun ka aribi Abimélec kakin anëakëxa.

Jueces 8:31 ပူးပေါင်းရင်းမြစ်များ

Génesis 16:15

Usakian ángelnën kakëx ka Agar amiribishi an ñu mëëmikë xanu Sarai anu kuantëankëxa, kuantankëx ka anuax Agar aín rëkuë́n tuá bakë́ankëxa, bakënkë ka Abramnën aín bëchikë Ismael kakin anëakëxa.

Génesis 20:2

A menuax ka Abraham kiakëxa aín, xanu Sara ñui, ënë xanux ka ꞌën xanuma ꞌikën, ax ka ꞌën chirabakë ꞌikën. Kixun a rabë́xunbi sinántankëxun ka, ꞌapu Abimélec paránkëxa, usakin kakian paránkëxun ka ꞌapu Guerarnu ꞌikë, an Sara aín xanu ꞌiti bënun kixun uni xuakëxa;

Génesis 22:24

Usa ꞌain ka Nahor an ñu ꞌaxunkë xanubia bikë Reumá aín xanusa ꞌain amiribi bëchipakëxa, ënëkamax ka aín anë ꞌikën Teba, Gáham, Tahas ꞌimainun Maacá.

Jueces 8:32

Usa ꞌain ka Gedeón kaniakëkë ꞌaish aín ñuti nëtë sënënkëbë ñuakëxa, ñukë ka ain aintsikaman anua ain papa Joás ñuia maían bashi kini anubi maínkankëxa, ax ka Ofrá kakë ëma anua Abiézernën rëbúnkikama tsókë me anu ꞌiakëxa.

Jueces 9:18

usa ꞌaínbi kamina bërí mitsux ꞌën papa ꞌimainun aín aintsikamami nishkin aín bakë bëchikë setenta unikama a maxá chaiira ꞌikë anuxun ꞌakan. Usokin aín xukë́nkama ꞌaxun kamina, xukënñuma uni ꞌakësokin Abimélec ꞌapu anëkan, ax ka Jerubaalnëa aín xanu an ñu mëëxunkë xanumi bakë bëchia ꞌaish mitsun aintsi ꞌikë kupíshi kamina usokin ꞌakan.