Jueces 8:28 - Kashibo-Kakataibo Biblia

²⁸ Usa ꞌain ka madianita unibunëx Israelkama abë ꞌakanankin atu kananxun atu bikë ꞌaish, anuax kaitëkëni cuarenta baritia sënë́mi amiribishi Gedeón a menu tsókëpan ꞌain atubë ꞌakanantëkëama ꞌikën.

Jueces 8:28 ပူးပေါင်းရင်းမြစ်များ

Isaías 9:4

Min kamina tëmëramikin ñu mëëmikëx atsankin bëtsi sinaniabi ꞌapukamanua, tëmërakin ñu mëxuma ꞌanun nu chikiankën. Usabi okin kamina mix Dios ꞌixun Madiánu ꞌikë unikamami ꞌasaribiokin nukama ꞌakën.

Jueces 5:31

¡Nukën ꞌIbu ꞌëx kana axa min unikamami nishkë unikama këñuti kuëënin, ꞌimainun ka an mi nuibakë unikamax upitax bukui barin urukin aín kushin pë́kabëtsinkësa usaribi ꞌiti ꞌikën!” Usai ꞌiaxa sënë́an ka cuarenta baritia ꞌimi a menuax ꞌakanantëkënima upitax buküakëxa.

Jueces 8:27

A kurikama timë́kë ka Gedeónën achúshi ñu pará ꞌinun ꞌakëxa ꞌakë ka a rabikanti Ofrá kakë ëma anu nitsíankëxa, usokin ꞌakë ka kamabi Israelkamax efod a rabi Nukën ꞌIbumi sinánma ꞌikën, usakian Gedeónën ꞌakë ax ka ainan ꞌimainun aín aintsikamanan achúshi ñu ꞌaisama ꞌakë ꞌiakëxa.

Jueces 8:29

Jerubaal kakë ꞌianan Gedeón kakëribi uni ax ka ain ëmanubi tsóti kuankëxa, anuxun ka setenta uniakë sënë́nmikin bakë bëchipakëxa, ꞌianan ka ꞌitsaira xanuñu uni ꞌiakëxa.

1 Samuel 7:13

Usakin ka Israel suntárukama filisteokaman ꞌakëxa, usakian ꞌakëx ka amiribishi Israel kaman menu kuantëkëama ꞌikën; usa ꞌain ka Samuel atubë tsókëpan ꞌain filisteo unikaman atu ubioxuma ꞌanun Nukën ꞌIbun ꞌimiakëxa.