Jueces 8:27 - Kashibo-Kakataibo Biblia

²⁷ A kurikama timë́kë ka Gedeónën achúshi ñu pará ꞌinun ꞌakëxa ꞌakë ka a rabikanti Ofrá kakë ëma anu nitsíankëxa, usokin ꞌakë ka kamabi Israelkamax efod a rabi Nukën ꞌIbumi sinánma ꞌikën, usakian Gedeónën ꞌakë ax ka ainan ꞌimainun aín aintsikamanan achúshi ñu ꞌaisama ꞌakë ꞌiakëxa.

Jueces 8:27 ပူးပေါင်းရင်းမြစ်များ

Salmos 73:27

Uikamax kara minan ꞌisamatania, akamax ka bamakë ꞌiti ꞌikën; ꞌimainun kamina uikaman kara min bana kikësabiokin ꞌaisama tania akama këñunun ꞌimiti ꞌain.

Éxodo 32:4

buánxunkëxun timëxun ka kurikama charokëxa, charatia ka vaca bëna tankin i ꞌakë anu ꞌaruakëxa, ꞌarukëxa xëntsai ꞌikë ax ꞌiruia ka manë xëta okë cincel anun ramëniokin vacabi ꞌinun upíokin mëníokëxa. Mëníotankëxun ka atu ꞌinánkëx ka Israel unikamax kiakëxa: —Ënëx ka dios an Egipto menua nukama chikínbëtsinkin bëkë a ꞌikën.

Éxodo 34:16

usokin ꞌakima ka atun ꞌini bëchikë xanukama mitsun bëchikë bëbu aín xanu ꞌinun ꞌinánti ꞌikën, ꞌinánkëxun atun rabikë aín dios aribi rabi ka mitsun bëchikëkama ꞌëmi ꞌuchati ꞌikën.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Oseas 2:2

Ësai ka Israel unikama ñui Dios kiaxa: “¡Mitsun tita kamina min ꞌuchoti ꞌain, ax ka bërí ꞌën xanuma ꞌikën, ꞌimainun kana ꞌëx aín bënëma ꞌain! ¡ꞌIanan ka aín nami ꞌakë xanusa ꞌikëa unin ꞌunánkë a ënti ꞌikën! ¡ꞌIanan ka an ꞌain nami ꞌakë unikamabëa ꞌikë a ënti ꞌikën!

Oseas 3:4

Usai akama ꞌikë ꞌain ka Israel unikamax ꞌitsa baritia ꞌapuñuma ꞌianan atun kushi kamañumabi ꞌiti ꞌikën, ꞌianan ka añu ñubi xaroima ꞌianan maxá upíibu akama ꞌianan, sacerdotekaman pañukë chupa abi pañuima: ꞌianan atun aintsia rabikë ñukama abi rabitima ꞌikën.

Deuteronomio 12:5

ꞌAínbi kamina mitsun aintsi ñaká achúshi anu tsókë me a Nukën ꞌIbun kaísa anu xubusa okin chupa ꞌatankëxun anuxun ashi rabi kuanti ꞌain.

Deuteronomio 7:16

Usa ꞌain kamina mitsun bëtsi menu ꞌikë unikama Diosan ꞌanun ꞌamikëxun ꞌakin; nuibakinma këñuanan atún diosmabi rabikë a rabitima ꞌain, usakin ꞌakin a rabi kamina mitsúxbi këñuti ꞌain.

Deuteronomio 7:25

ꞌAnan kamina mitsúnbi atun diosmabi rabikë ñukamaribi në́nti ꞌain, ꞌaínbi kamina ami bikë kuri ꞌimainun manë panshian akama bisa tantima ꞌain; usakin ꞌaibi ꞌatima ñu ꞌati sinania ka Nukën ꞌIbun a upí istima ꞌikën.

Jueces 2:2

usa ꞌain kamina mitsun ënë menu ꞌikë unikamabëtan achúshi ñubi ꞌakatsi atubë kanantima ꞌain, usai ꞌikinma kamina kamabi atun anuxun ñuina xarokëkama a rurupati ꞌain. ꞌAínbi kamina ꞌën kakëxunbi kuaisama tankën, ¡Usa ꞌain kamina añu kaina mitsun ꞌa kixun sinánti ꞌain!

Jueces 2:3

Usa ꞌain kana bërí mitsu kain: Ënë ëmanu ꞌikë unikama kana mitsun ismainunbi chikiniman ꞌimainun ka atun rabikë dioskama ax anun mitsu paránti ꞌiti ꞌikën.

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

Jueces 6:24

Ësokin kakëxun ka Gedeónën anuxun ñuina xaroti achúshi anubi ꞌatankëxun anuxun Nukën ꞌIbu rabikin xarotankëxun; “Nukën ꞌIbuinshi ka nu chuámarua ꞌimia kixun kakin anëakëxa. Anuxun ñuina xaroti Gedeónën ꞌa ax ka bëríbi anua Abiézernën rëbúnkikama ꞌikë Ofrá kakë ëma anu ꞌikën.”

Jueces 8:26

Usokian mëñusuti kuri ꞌakë a kamabi timë́këx ka diecinueve kilosa ꞌiakëxa, ꞌaínbi ka raíri ñukama anun rabunkian atun tëñuanan pañukë manë uxua ꞌakë ꞌimainun anua Madiánu ꞌikë ꞌapukama rakukë chupa minanën pukukë akama ꞌimainun atun camellokama tëñumikë akama tupunkëma ꞌiakëxa.

Jueces 8:28

Usa ꞌain ka madianita unibunëx Israelkama abë ꞌakanankin atu kananxun atu bikë ꞌaish, anuax kaitëkëni cuarenta baritia sënë́mi amiribishi Gedeón a menu tsókëpan ꞌain atubë ꞌakanantëkëama ꞌikën.