Jueces 8:26 - Kashibo-Kakataibo Biblia

²⁶ Usokian mëñusuti kuri ꞌakë a kamabi timë́këx ka diecinueve kilosa ꞌiakëxa, ꞌaínbi ka raíri ñukama anun rabunkian atun tëñuanan pañukë manë uxua ꞌakë ꞌimainun anua Madiánu ꞌikë ꞌapukama rakukë chupa minanën pukukë akama ꞌimainun atun camellokama tëñumikë akama tupunkëma ꞌiakëxa.

Jueces 8:26 ပူးပေါင်းရင်းမြစ်များ

Proverbios 31:22

ꞌAínbi ka anúan rakuti chupa aín mëkënanbi ꞌaia, ꞌanan ka chupa upíira aín mëkënanbi ꞌakë aribi pañuia.

Lucas 16:19

Jesusan ca ësaquinribi cacëxa: —Ënëx ca ësa ꞌicën. Achúshi uni ñuñuira ꞌaish chupa upíira upí minanën pucucësa ꞌimainun xapu ꞌacësa pañucë ꞌianan ꞌaisamaira piti upíira upíñu ꞌixun camabi nëtën upí oquin pucháquin picë ꞌiacëxa.

Juan 19:2

Cacëxun rishquitancëxun ca ꞌapu isa quiax ami cuaiquin suntárunën muxa mañuti otancëxun mañumianan upí chupa minanën pucucësa aribi pañumiacëxa.

Juan 19:5

Ësoquian cacëbë ca Jesúsribishi muxa mañutiocë mañuanan chupa minanën pucucësa pañucë ꞌaish chiquíacëxa. Chiquícëbëtan ca Pilátonën judíos unicama cacëxa: —A cënë ꞌicën, a uni.

Apocalipsis 17:4

A xanu anu tsócë ax ca aín chupa minanën pucucësa ꞌimainun ushían ꞌiaxa. ꞌImainun ca ñun curánan curi ꞌacë ꞌianan maxax upíira upí ꞌacë ꞌianan perla pañucë ꞌixun curi ꞌacë xanpa tuíncë ꞌiaxa. A xanpanu ca aín ñu ꞌaisama ꞌacëcama purucësa ꞌiaxa.

Apocalipsis 18:12

Ñu curi ꞌacë, manë uxua ꞌacë, maxax upíira upí ichúcësa, perlas, chupa xapu ꞌacësa upí oquin xëocë, bëtsi chupa minanën pucucësa, chupa ushían, acama ꞌimainun bëtsi bëtsi sanu i, elefante xëta ꞌacë ñu, cupíira cupí ñu, i ꞌacë, ꞌimainun cashtá manë ꞌacë ꞌimainun bëtsi manë ꞌacë ꞌimainun upíira maxax uxua ꞌacë acama,

Apocalipsis 18:16

Iní ca ësai quiti ꞌicën: —ꞌImari ꞌitibi ca ꞌiaxa. A ëma cha anu ꞌicë unicamax ca xanun atun chupa upíira upí minanën pucucësa ꞌimainun ushíanën pucucë pañucësa ꞌiaxa. ꞌIanan ca xanu ñu cupíira cupí, curi ꞌacë, maxax upí ꞌacë, ꞌimainun perla, po namë́ iscësa, usa ñucaman mëníocacësa ꞌiaxa.

Jueces 8:21

Ëchitiama okin ka Zébah ꞌimainun Salmunánën Gedeón kakëxa: —¡Minbi kamina nu rëtëti ꞌain! ¡Axa ꞌakananshikë uni a kananuna aín sinan kushi ꞌikë ꞌunanin! Kakëxun aín manë xëtokë bikin Gedeónën anun Zébahkëñun Salmuná a ꞌakëxa ꞌaxun ka ꞌain camello tëñumikë aín ñu upíbu a biakëxa.

Jueces 8:25

Usokian kakëxun ka Israel unikaman achúshi tari menu ꞌapátankëxun kamabi atun bikë mëñusuti bëxun anu bukunkin Gedeón kakankëxa minmi nu bënun kakë mëñusutikama akënë ꞌikën.

Jueces 8:27

A kurikama timë́kë ka Gedeónën achúshi ñu pará ꞌinun ꞌakëxa ꞌakë ka a rabikanti Ofrá kakë ëma anu nitsíankëxa, usokin ꞌakë ka kamabi Israelkamax efod a rabi Nukën ꞌIbumi sinánma ꞌikën, usakian Gedeónën ꞌakë ax ka ainan ꞌimainun aín aintsikamanan achúshi ñu ꞌaisama ꞌakë ꞌiakëxa.