Jueces 8:24 - Kashibo-Kakataibo Biblia

²⁴ Usa ꞌain kana ꞌën abë ꞌakanankin ñatankë bikë unikama atun mëñusuti ꞌë ꞌinánti kuëënin. A mëñusuti kuri ꞌakë ax ka anu uni ꞌikëma menu ꞌikë unikama suntárunën mëñukë a ꞌiakëxa.

Jueces 8:24 ပူးပေါင်းရင်းမြစ်များ

Génesis 24:22

Usokin ꞌumpax camellokaman xëai sënë́nkëbëtanshi ka a unin kuri seis gramo ꞌëñësa bixun xanu a rëñumiakëxa. ꞌAnan ka mëkënu mëñuti kuri cien gramosa aribi mëñumikin,

Génesis 24:53

Usai ꞌi nirukinshi ka na bëkë ñukama churupakin biakëxa, ax ka ꞌiakëxa kuri, manë panshian, ꞌimainun chupa ꞌitsaira kupíkë, a bikin ka Rebeca ꞌinánkëxa. ꞌInánan ka aín rarëbakë këñun aín titaribi ñu ꞌitsaira ꞌinaishiakëxa.

Génesis 25:12

Ënë kamax ka Ismaelnën bëchikë Abrahamnën bëchikë egipcia xanu Agar, an Sara ñu ꞌaxunkë amia bëchikë ꞌiakëxa,

Génesis 25:13

ënëx ka aín rëkuë́n bëchikë a pain ꞌakëxa bakë́an a ꞌiakëxa: Nebaiot, ax ka aín bëchikë apan ꞌiakëxa; ꞌatankëxun ka bëtsiribi ꞌakëxa Quedar, Adbeel, Mibsam,

Génesis 35:4

Ësokin kakëxun ka Jacob atun diosmabia ꞌarakakë akama ꞌimainun aín pabinu nankë ñu akama këñunbi bëtsi ñukamaribi ꞌinánkëxa, ꞌinánkëxun ka Jacobnën i chaiira encina kakë a tëmú maíankëxa, ax ka Siquem kakë ëma ꞌurama ꞌiakëxa.

Génesis 37:25

Usokin ꞌatankëx ka anuxuan ꞌakë anubi pi. Buküakëxa bukuxun iskëxbi ka an ñu marukë ismaelita unikama Galaab kakë me anuax uakëxa. Ukin ka aín camellonën bëakëxa ꞌinínti ro sanuira ꞌimainun sanu ro i baka ꞌakë tsëpasa akama Egipto menu maruti ubani kuani uakëxa.

Génesis 37:28

Usakin kininu nipakë basimashika an ñumarukë unikama uakëxa, ꞌaia iskin ka José kininua bitankëxun, aín xukë́nkaman an ñu marukë unikama veinte kuríki manë ꞌakë kupín maruakëxa. Usokin marukëxun ka José Egipto kakë menu buánkëxa.

Éxodo 12:35

ꞌAnan ka Moisésnën kakësabiokin, egipcio unikama ain kuri ꞌakë ñu ꞌimainun manë uxua ꞌakë ꞌimainun chuparibi ñukákankëxa.

Éxodo 32:3

Ësakian Aarónën kakëxun ka kamabi Israel unikaman, aín pabinu pañukë kuri ꞌakë a timëbiankin Aarón buánxuankëxa,

Éxodo 32:4

buánxunkëxun timëxun ka kurikama charokëxa, charatia ka vaca bëna tankin i ꞌakë anu ꞌaruakëxa, ꞌarukëxa xëntsai ꞌikë ax ꞌiruia ka manë xëta okë cincel anun ramëniokin vacabi ꞌinun upíokin mëníokëxa. Mëníotankëxun ka atu ꞌinánkëx ka Israel unikamax kiakëxa: —Ënëx ka dios an Egipto menua nukama chikínbëtsinkin bëkë a ꞌikën.

Éxodo 32:8

Bënëkinshi ka atun usai ꞌiti ꞌën kakë banakama manuxun bëtsi ñu ꞌaxa. ꞌAkin ka vaca bakë tankin ꞌakë kuri unioxa, usakin ꞌaxun ñuina xaroxunkin rabi ka ësai kia: Ënëx ka Israel unibunën dios an nu Egipto menua bëkë a ꞌikën kiax ka kikanxa.

Jueces 8:25

Usokian kakëxun ka Israel unikaman achúshi tari menu ꞌapátankëxun kamabi atun bikë mëñusuti bëxun anu bukunkin Gedeón kakankëxa minmi nu bënun kakë mëñusutikama akënë ꞌikën.