Jueces 8:2 - Kashibo-Kakataibo Biblia

² Usai ꞌiabi ka Gedeónën kakëxa: —¿Mitsunmi ꞌën ꞌakësamaira okin ꞌakë a kaina sinaniman? Mitsúnmi ꞌitsamashi ꞌakë ax ka nun nu ꞌitsaira ꞌakë usamaira ꞌinunmi ꞌakankë ꞌikën.

Jueces 8:2 ပူးပေါင်းရင်းမြစ်များ

Levítico 19:9

Anúan mitsun ñu ꞌapákë biti nëtë ꞌikëbëtan bikin kamina, kamaira këñukin bitima ꞌain, ꞌimainun kamina baritëkënkin bikinmi tëxëokë a bitima ꞌain.

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

Jueces 6:34

ꞌAínbi ka Nukën ꞌIbu bëru ñunshin upitan Gedeón abë ꞌixun ꞌakiankëxa, ꞌakinkëxun carnero manchan banokëbë ka Abiézernën rëbúnkikama timëakëxa;

Jueces 8:1

Efraínën rëbúnkinën ñakánu ꞌikë suntárukama atux ka Gedeónën abëtan madianita unikama ꞌai kuanxun kamikëma kupín ami nishi abë kuëbikanankëxa.

Jueces 8:3

Diosan ka mitsu madianitanën ꞌapu Oreb ꞌimainun Zeeb ꞌanun ꞌamiaxa. ¿Añu karana ꞌën mitsun akëbëtan sënë́nmaira ꞌitánun ꞌan? Ësakin Gedeónën kakëxun kuati ka Efraínën rëbúnkinën suntárukama atúxa xuamati nishkë tantibuakëxa.