Jueces 7:15 - Kashibo-Kakataibo Biblia

¹⁵ Ësokia bëtsin aín namákë ñuixunia kuaxun ka, Gedeónën Nukën ꞌIbu rabiakëxa. Rabitankëx ka anua israel suntárukama bukukë anu kuanxun atu kakëxa: —¡ꞌAkanani kuanti kamina mëníokakanti ꞌain, Nukën ꞌIbun ka madianita unikama ꞌanun nu ꞌakinti ꞌikën!

Jueces 7:15 ပူးပေါင်းရင်းမြစ်များ

Génesis 24:48

rantinpuruni tsóbukin kana Nukën ꞌIbu rabikin kan; an ꞌë ñumëmikë Abraham aín Dios, min kamina ꞌë bai upitan an ꞌë ñumëmikë uni aín bëchikë xanu achúshi aín aintsikaman bëchikëbi bixunun kixun ꞌë bëan.

Génesis 40:8

—Nu rabë́xun kananuna ënë imë́ ësokin namán, ꞌaínbi ka uisakin namákë kara ax ꞌikë kixun an nu ñuixunti ꞌaíma ꞌikën kakëxun ka Josénën. —¿Diosan kara uisakin namákë kara min namákë ax ꞌikë kixun mi ñuixuntima ꞌik? —Kixun atu kakëxa katankëxun ka Josénën—. ꞌË kamina min namákëkama ñuixunti ꞌai kixun kakëxa.

Génesis 41:11

Achúshi imë́ kananuna nurabëxunbi namákën, an pán ꞌakë aín kushian ꞌamainun kana ꞌënribi bëtsiokin namákën, usa ꞌain ka an namákënëx ꞌunántisama ꞌimainun ꞌënanëxribi unántisama ꞌaish uisakin namákë kara kixun unántisama ꞌiakëxa.

Jueces 4:14

Usa ꞌain ka anu bëbaxun Déboranën Barac kakëxa: —¡Bërí nëtën kamina min suntárukamabëtan Sísara ꞌai kuanti ꞌain, Nukën ꞌIbun ka min mi ꞌanun mi ꞌamiti ꞌikën! ¡Nukën ꞌIbun ka atua ꞌanun min suntárukama ꞌakinti ꞌikën! Usokian kakëx ka Barac aín bashi Tabor kakë anuax aín diez mil suntárukamabë kuabuakëxa,

Jueces 7:11

anuxun kamina uisai kara mimi nishkë unikama kia kuati kuanti ꞌain.” Kuakin kamina abi kana ꞌati ꞌai kixun kushiokin sinánti ꞌain. Ësokian Diosan kakëx ka Gedeón an kaniokë Purá abë anua abë ꞌakánanti unikama ꞌikë me sënënakëkë anu kuankëxa.

Jueces 7:14

Kixuan ñuixunkëxun ka suntáru itsin bëtsi kakëxa: —Ax ka bëtsi ñumi namákëma ꞌikën, Gedeón suntárunën kushi Joásnën bëchikë israel uni an ka Diosan ꞌamikëxun nubë ꞌakanankin nun ꞌikënubi bëbarukin nu ꞌati ꞌikën.

Jueces 7:16

Ësokin kakinshi ka trescientos aín suntárukama rabë́ ꞌimainun achúshi ꞌinun sëtë́nakin nitsinakëxa a kamabi atun carnero manchan ꞌinánan ka amia ꞌumpax nikinkë ñankáishi amia tiríoxun tsi buánkë aribi ꞌinánkëxa.

Jueces 8:7

Kakëxunbi ka Gedeónën atu kakëxa: Asabi ka usa ꞌain kana Nukën ꞌIbun ꞌë ꞌakinkëxun Zébah ꞌimainun Salmuná kakë ꞌapu ñatanbëtsini ꞌëx utëkënkin kana anu uni ꞌikëma menu ꞌikë muxa pëñan bitsini ukin mitsun namibi anun tukapakin raëxpati ꞌain.

1 Samuel 1:28

Usa ꞌixun kana ꞌën Nukën ꞌIbu Diosan ñu mëëti ꞌanun ꞌimian, usa ꞌain ka ainan ꞌiti ꞌikën. Ësakin kakëx ka Elí ꞌain bëmánanën me tikai tsóbukin Dios rabiakëxa.

1 Samuel 14:12

Usai ꞌimainun ka usai ꞌia mërakin Jonatán këñun abëa nikë aín uni kuënkëonkin kakëxa: —¡Nuxnu anu ꞌikë ënu kamina uti ꞌain! Ësai kikëbëtan ka Jonatánnën an ꞌakinkë aín uni kakëxa: —ꞌË kamina nuibëtsinti ꞌain, Nukën ꞌIbun ka israel unibu ax numi nishkë unikama ꞌanun nu ꞌamiti ꞌikën.