Jueces 6:34 - Kashibo-Kakataibo Biblia

³⁴ ꞌAínbi ka Nukën ꞌIbu bëru ñunshin upitan Gedeón abë ꞌixun ꞌakiankëxa, ꞌakinkëxun carnero manchan banokëbë ka Abiézernën rëbúnkikama timëakëxa;

Jueces 6:34 ပူးပေါင်းရင်းမြစ်များ

Salmos 51:11

Minan ꞌikë kamina ꞌë ëntima ꞌain, ꞌianan kamina ꞌënua ꞌikë min bëru ñunshin ꞌë bikuantima ꞌain.

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

Gálatas 3:27

Ami catamëtia ainan ꞌicë nashimicë ꞌaish camina unían aín chupa xëni ꞌaisama pëquin chupa ió pañucë usaribi ꞌaish mibëa Cristo ꞌain min nuitu upíira ꞌain.

Jueces 13:25

Achúshi nëtën ka Sansón anua Dan kakë unikama bukukë Sorá ꞌimainun Estaol kakë ëma anuxunbi, Nukën ꞌIbun bëru ñunshinan añu kara ꞌati ꞌikë kixun ismiakëxa.

Jueces 14:19

Usokin atu kaiashi ka Nukën ꞌIbun Bëru Ñunshinan kushiira uni ꞌinun Sansón ꞌimiakëxa; Usakin ꞌimikëx Ascalón kakë ëmanu kuanxun ka filisteo unikama Sansónnën treinta uni anu ꞌikë rëtëakëxa, rëtëxun ka unikaman chupa bibianxun anunbi an kakë bana ñuixunkë unikama a kupíokin ꞌinánkëxa. Usokin ꞌabiani ka aín papan xubunu bëtsi sinánkëshi ꞌaish kuankëxa,

Jueces 15:14

Chikin bëtsinkin bëkëxa Lehi anu bëbakëbë ka filisteo unikama abë mëranani ꞌitsaira kuëëni kuënkëni chikiakëxa. ꞌAínbi ka Diosan bëruñunshinan ꞌamikëxun Sansónan anúan aín pëñan këñun aín mëkën tëkërëkakë itsikama a tëkapakëxa, tsin xarokë lino risikama ꞌakësokinshi;

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

Jueces 8:2

Usai ꞌiabi ka Gedeónën kakëxa: —¿Mitsunmi ꞌën ꞌakësamaira okin ꞌakë a kaina sinaniman? Mitsúnmi ꞌitsamashi ꞌakë ax ka nun nu ꞌitsaira ꞌakë usamaira ꞌinunmi ꞌakankë ꞌikën.

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.

1 Samuel 11:6

Kakëxun kuakëbëshia Diosan bëru ñunshin anu ꞌirukëbë ka; ꞌaisamairai Saúl nishakëxa.

1 Samuel 13:3

Usa ꞌain ka Jonatán ꞌimainun suntáru raírinën filisteo suntárukama Guibeá kakë me anua bukukë anubi bëbakin ꞌakëxa, ꞌakë ka filisteo unikama raírinën kuanmainun Saúlnënribi kuakëxa. Kuati ka Saúl kiakëxa, kamabi israel unikaman ka ꞌunánti ꞌikën ësaia ꞌikë ënë. Usa ꞌain ka aín suntáru raíri uinu ꞌikë menu kara israel unikama tsótaxa abu kuainakëkian aín manë banoti, a kuatia timë́kanun banotanun kixun xuakëxa.

1 Samuel 16:14

Usa ꞌain ka Nukën ꞌIbun aín bëru ñunshin Saúlnua, chikinnun ꞌimianan anbi ñunshin ꞌatima an ꞌatimonun Nukën ꞌIbun anu xuakëxa, an ka ñunshin bakënun ꞌimiakëxa.