Jueces 6:26 - Kashibo-Kakataibo Biblia

²⁶ ꞌimainun kamina anua ꞌikë aín bashi manámi anubi anuxun ñuina xaroti achúshi min Dios ꞌaxúnti ꞌain. ꞌAtankëxun kamina, vaca ain bënë bëtsi pain bitankëxunmi tsiankin bikë a ꞌë ꞌaímai këñutanun xaroxunkin i upí a rabikë ꞌikëbi nipakë abi karuaxun anunbi xaroti ꞌain.

Jueces 6:26 ပူးပေါင်းရင်းမြစ်များ

Éxodo 34:13

Usai atubë ꞌikinma kamina añu ñubi ꞌaíma ꞌitánun mitsun ira atúan a rabikë maxá ꞌimainun i upíira akama këñuti ꞌain.

1 Corintios 14:40

Usa ꞌaínbi camina micamax timë́ax sharárui banatima, bëtsix paían quimainun caini upí oquin sinani banati ꞌain.

Jueces 6:25

Usakian ꞌakë a imë́bi ka Nukën ꞌIbun Gedeón kakëxa: —Min papan ꞌarakakë vacanua kamina aín bënë achúshi bianan, bëtsiribi mapai achúshi ꞌimainun rabë́ baritia ñu biti ꞌain, bitankëxun kamina min papan anuxun Baal ñuina xaroxunti ꞌakë a rurupanan, kamina i tëakë upíokin mëníoxun nankë anuxun ñuina Baal xaroxunti rapasu nitsínkë aribi nipati ꞌain,

Jueces 6:27

Usakian kakëxun ka Gedeónën mapai rabë́ aín uni bitankëxun Nukën ꞌIbun kakësabiokin kamabi ñu ꞌakëxa; ꞌakin ka nëtë́n ꞌakinma aín papan aintsikama ꞌimainun a ëmanu ꞌikë unikamami rakuë́kin imë́ribi ꞌanëakëxa.

1 Samuel 6:14

Kuëënkëbë ka carreta anua Josuénën me Bet-semes ꞌikë anu nirakëakëxa. Anua maxá chaiira ꞌikë anubi nirakëakëxa. Nirakëkëbëtan ka Bet-semes anu tsókë unikaman carreta ꞌakë ꞌi abi karuaxun anun vaca rabë́ a ꞌaímai këñutanun Nukën ꞌIbu xaroxuankëxa.