Jueces 6:24 - Kashibo-Kakataibo Biblia

²⁴ Ësokin kakëxun ka Gedeónën anuxun ñuina xaroti achúshi anubi ꞌatankëxun anuxun Nukën ꞌIbu rabikin xarotankëxun; “Nukën ꞌIbuinshi ka nu chuámarua ꞌimia kixun kakin anëakëxa. Anuxun ñuina xaroti Gedeónën ꞌa ax ka bëríbi anua Abiézernën rëbúnkikama ꞌikë Ofrá kakë ëma anu ꞌikën.”

Jueces 6:24 ပူးပေါင်းရင်းမြစ်များ

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 12:8

Usai ꞌitankëx ka anuax chikíkiani kuanxun amiaxa bari urukë Betel kakë ëma au ꞌikë niñu me anu xubusa okin aín chupa këxtú pëniankëxa. Betel kakë ëma ax ka amia bari kuabúkë au ꞌikë ꞌiakëxa, ꞌimainun ka achúshi ëma. Ai kakë axribi amiaxa bari urukë au ꞌikë ꞌiakëxa. A menuxunribi ka Abramnën anuxun Nukën ꞌIbu rabiti ꞌatankëxun rabiakëxa.

Génesis 22:14

Usokin ꞌatankëxun ka Abrahamnën anuxuan usakin ꞌakë matá me anëkin: Nukën ꞌIbun ka nun sinánkëma ñu nu ꞌinania kixun anëakëxa, usa ꞌain ka bërí uni kia: Nukën ꞌIbun ka a matánuxun ꞌasaribiokin ꞌakinia kiax kikania.

Génesis 33:20

Usa ꞌain ka anu ꞌixun basikëbëtan anuxun Dios rabiti achúshi ñu ꞌakëxa, ꞌatankëxun ka El-elohé-Israel kakin anëakëxa, (ax ka Israelnën a rabikë Dios ki kikë ꞌikën).

1 Reyes 18:32

ꞌaxunka ka maburukin anuxun Dios ñuina xaroxunti ꞌakëxa; ꞌatankëxun ka maxá maburukë a rapasu buinarakin me naëakëxa, naëkë ax ka anu veinte litrosa ñu bimi uakaisa ꞌiakëxa,

Esdras 3:2

Usa ꞌain ka Josué kakë uni Josadac aín bakë bëchikë ꞌimainun abëtan ñu mëëkë sacerdotekaman, Zorobabel Salatielnën bakë bëchikë ꞌimainun aín aintsikama timë́xun anuxun Israel kaman Dios rabikin ñuina xaroti ꞌakë ꞌikëbi rurupakin masókan, ꞌikëbi amiribishi a tanti bana Moisés Diosan uni ax kiásabiokin ꞌatëkëankëxa.

Éxodo 17:15

Anu ka Moisésnën achúshi ñu anuxun Nukën ꞌIbu rabikin ñuina xaroti ꞌakëxa, ꞌatankëxun Diosan aín kushin nu ꞌakinkëxun kananuna ax numi nishkë unikama këñukin ꞌa kixun kakin anëakëxa,

Jeremías 23:6

A nëtëkama ax ꞌapu ꞌain ka, Judá menu ꞌikë unikama ꞌië́mainun, Israel unikamaribi uínbi ubíokëma upitax tsóti ꞌikën. Ësokin anëkë ka ꞌiti ꞌikën: Nukën ꞌIbu ax ka an nu ië́mikë ꞌikën.”

Jueces 6:23

Kia ka Nukën ꞌIbun ësokin kakëxa: —Rakuëama ka ꞌik, kamina ñuiman. ꞌËn ꞌimikëx kamina chuámarua tani kuëënti ꞌain.

Jueces 8:27

A kurikama timë́kë ka Gedeónën achúshi ñu pará ꞌinun ꞌakëxa ꞌakë ka a rabikanti Ofrá kakë ëma anu nitsíankëxa, usokin ꞌakë ka kamabi Israelkamax efod a rabi Nukën ꞌIbumi sinánma ꞌikën, usakian Gedeónën ꞌakë ax ka ainan ꞌimainun aín aintsikamanan achúshi ñu ꞌaisama ꞌakë ꞌiakëxa.

Jueces 8:32

Usa ꞌain ka Gedeón kaniakëkë ꞌaish aín ñuti nëtë sënënkëbë ñuakëxa, ñukë ka ain aintsikaman anua ain papa Joás ñuia maían bashi kini anubi maínkankëxa, ax ka Ofrá kakë ëma anua Abiézernën rëbúnkikama tsókë me anu ꞌiakëxa.

1 Samuel 14:35

Usakin atun ꞌamainun ka Saúlnën suntárukaman ꞌitánun, abi ꞌatabakin anuxun Nukën ꞌIbu rabiti ꞌakëxa.

1 Samuel 7:17

Usai akama oi nikin atu istánkëx ka anua aín xubu ꞌikë Ramá kakë anubi utëkëankëxa, anuxun ka Israel kama atun ꞌapu ꞌixun ꞌakiankëxa. ꞌAnan ka anuxun ñuina xaroti achúshi maxax bukunrukin Nukën ꞌIbu ꞌaxuankëxa.