Jueces 6:15 - Kashibo-Kakataibo Biblia

¹⁵ ꞌAínbi ka Gedeónën amiribishi katëkëankëxa: —ꞌËn ꞌIbu amiribishi kana mi katëkënin, ¿uisaxun karana ꞌën Israelkama ië́nun ꞌakinti ꞌain? ꞌËn aintsi Manansésnën rëbúnkikama atux ka ñuñuma unibu ꞌikën, usa ꞌain kana usa ꞌën aintsikama ꞌain ꞌëx usa ka a uni ꞌikë kixun unin kaisama ꞌain.

Jueces 6:15 ပူးပေါင်းရင်းမြစ်များ

Génesis 32:10

ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Éxodo 3:11

Ësokian kakëxunbi ka Moisésnën Dios kakëxa: —¿ꞌËx karana añu ꞌain? ¿Añu ꞌixun karana anu kuanxun faraón Egiptonu ꞌikë Israel unibu chikinuxun kai kuanti ꞌain?

Éxodo 4:10

—¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

Jeremías 1:6

Ësakin kakëxun ꞌënribi kan: ¡ꞌËn ꞌIbu Dios! ¡ꞌËx bëná pain ꞌixun uisai banati kara abi ꞌunaniman!

Miqueas 5:2

ꞌAínbi kana: Belén Efrata, mi Judánu ꞌikë ëmakamanu ꞌikë ëma chukúma anuax achúshi uni Israel unikaman ꞌapu ꞌinux chikiti ꞌikën, ax ka uni achúshi bërámaira ax tsóa aín rëbúnki ꞌiti ꞌikën.

Lucas 1:34

Cacëxun ca Maríanën ángel cacëxa: —ꞌËx cana unibë ꞌicëma pan ꞌain. ¿Usa ꞌaish carana uisax usai ꞌiti ꞌain?

1 Corintios 15:9

ꞌËx axa Jesucristomi catamëcë unicama bëtsi bëtsi ocë ꞌaish cana ꞌëx Jesusan aín bana ñuixunun caíscë uni raíribë sënë́nma ꞌaish acama meuraira ꞌain. Usa ꞌaish an caíscë uni ꞌiisama ꞌicëbi ca ꞌë aín bana ñuixunun cacëxa.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

1 Samuel 18:23

Kakëx anu rikianxun ka Saúlnën kakë bana an ñu mëëxunkë unikaman kakëxa, ꞌaínbi ka Davidtan kakëxa: —¿Mitsun sinánkëx kara ꞌapun piaka ꞌiti ax tëmara ꞌianan uni ñuñumara ꞌianan, unin kushibëtan sënë́nmara ꞌësa unix ꞌiti ꞌik?

1 Samuel 9:21

Kakëxun ka Saúlnën kakëxa: —¡ꞌËx kana Benjamínnën rëbúnki ꞌain, usa ꞌaínbi kana ꞌëx Israelkaman ꞌanákaira ꞌain! ꞌImainun ka ꞌën aintsikama Benjamínën rëbúnki ꞌikëbi ñuumara ꞌikë unin isia. ¿Uisa kupí kaina ësokin ꞌë kain?