Jueces 6:14 - Kashibo-Kakataibo Biblia

¹⁴ Ësokian kakëxun ka Nukën ꞌIbun ángelnën bëískin kakëxa: —Mix kamina ꞌaisamaira kushiñu ꞌain, usa ꞌain kamina madianita unikaman Israelkama ꞌaisamaira okë a isti ꞌain. ꞌËn kana mi kuantanun xuti ꞌain.

Jueces 6:14 ပူးပေါင်းရင်းမြစ်များ

Éxodo 3:10

Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Hebreos 11:32

¿Uisaquinribi carana mitsu cati ꞌain? Gideón, Barac, Sansón, Jefté, David, Samuel, acama ꞌiá ꞌimainun an Nucën Papa Dios quicë bana uni ñuixuncë unicamaribi mitsu ñuixunquinbi cana sënë́ontima ꞌain.

Hebreos 11:34

Axa Nucën Papa Diosmi catamëcë uni raíriribi ca tsi rëquirucë an nëëntanun quixun anu niabi Nucën Papa Diosan sinanën tsinbi uisabi oma ꞌicën. Raíri uníxribi ca suntárunën ꞌati ꞌaíshbi Nucën Papa Diosan sinanën ië́acëxa. Raírinëxribi ꞌinsíncë ꞌaish cushima ꞌaíshbi ca Nucën Papa Diosan sinanën cushi ꞌiacëxa. Nucën Papa Diosan ꞌimicëxun ca suntárunën cushiira ꞌixun abë ꞌacanancë bëtsi ꞌapun suntárucama abámiacëxa.

Jueces 13:3

ꞌAínbi ka achúshi nëtën Nukën ꞌIbun ángelnën ami mërakin kakëxa: Mix kamina uínsaranbi tuakëma xanu ꞌain, usa ꞌaínbi kamina bërí tutankëx achúshi bëbu tuá bakënti ꞌain.

Jueces 4:6

Achúshi nëtën ka Déboranën Barac kakë uni Abinóamnën, Quedes kakë ëma achúshi anua Neftalí ñaká unikama bukukë anua katánun xukin ësokin kakëxa: Israelkaman ꞌIbu ꞌimainun ain Dios ax ka ësokinmi ꞌanun kiaxa: Aín bashi Tabor kakë anu kamina diez mil Neftalí ꞌimainun Zabulón unikaman suntáru anu timëti ꞌain.

Jueces 6:11

Usa ꞌain ka Nukën ꞌIbun ángel achúshi uax Ofrá kakë ëma anua ꞌikë in papa tëmú tsóakëxa, ax ka Joás kakë uni Abiézer ain rëbúnki ainan ꞌiakëxa. Anuxun ka Gedeón kakë uni Joásnën bëchikë an aín trigo unëxun tákakëxa, anuxun ka uvas aín baka xëati biti chakakë anuxun ka madianita unikaman isma mëraia kiax rakuë́ti unëxun ka usakin ꞌakëxa.

Jueces 6:36

Usaia ꞌian ka Gedeónën Dios kakëxa: “Asérabi kaina ꞌën aintsi Israelkama ꞌakinun ꞌë ꞌakinti ꞌain, mixmi kikësabiokin,

1 Samuel 12:11

Usakin ñukákëxun ka Nukën ꞌIbun Jerubaal, Barac, Jefté ꞌimainun ka Samuel mitsu ꞌakinun kixun xuakëxa, xukëxun kananuna axa mitsumi nishkë unikaman ꞌibuakë ꞌikëbi mitsu ꞌakiankën upitaxmi bukukanun.