Jueces 5:30 - Kashibo-Kakataibo Biblia

³⁰ ꞌËn sinánkëx sapi ka ꞌakanankian bikë ñukama pain ꞌinánani ꞌia. ꞌIanan sapi ka xanu bixun an ñu mëëxunti achúshi ꞌinánkinma xanu rabë́ rabë́ axa ꞌakanankë unikama ꞌinani ꞌia; ꞌianan sapi ka Sísara aín chupa bëtsi bëtsi okin pukukë aribi achúshi ꞌinánkinma rabë́ ꞌinani ꞌia ꞌianan kara chupakama upíokin kuënëokë, an ira uni ꞌakëkama anúan tëtata kinun ꞌinani sapi ka ꞌia kiax ka kiakëxa.

Jueces 5:30 ပူးပေါင်းရင်းမြစ်များ

Génesis 37:3

Usa ꞌain ka Jacobnën aín bëchikë José ꞌitsaira nuibakin kuëëankëxa, aín xukë́nkama ꞌakësamaira okin, ax kaniakëkë ꞌixun bëchikë kupin ka usakin ꞌakëxa, usa ꞌikë ka aín tari achúshi upíira upíokin kuënëokin ꞌaxun ꞌinánkëxa, usakian aín papan ꞌakëx ka ꞌitsaira kuëëankëxa.

Éxodo 15:9

Ax numi nishkë unikaman ka sinánkë ꞌiaxa: Uinua karanuna nukúti ꞌain, anua nukui kuanuxun kananuna nuiti ꞌain, nukuxun ꞌatankëxun ain ñukama bitankëx kananuna mëtikananti ꞌain. Usakin ꞌax kananuna asábi ꞌiti ꞌain, nun manë xëtokë a bikin anun ꞌakin kananuna atu këñuti ꞌain.

Isaías 9:2

Axa ami nishkë unikaman ꞌatimokëxa bëánkibukënu ꞌikësa ꞌia unikama an ka achúshi tirí chaiira isakëxa, iskin ka ñu upí ꞌati ꞌunánkëxa; achúshi tirí pëkikësa ꞌaish upiti tsókë uni an ka axa ꞌatimati tsókë unikama ñu upí ꞌai upiti tsóti ꞌunánmiakëxa.

Jueces 5:19

Usa ꞌain ka abë ꞌakánanti ꞌapukama ax Taanac kakë ëma ꞌimainun Meguido kakë rapasua ꞌikë xëxá anu kuankëxa, kuankinbi ka cananeo ꞌapukaman Israel unikama abë ꞌakanankin atu ꞌaxun aín ñu biti sinanx kuankin atún ñu buanima ꞌianan aín manë uxuabi buánma ꞌikën.

Jueces 5:29

Usai kia kuakin ka an ñu tankë xanukaman ësokin kakëxa kakëxbi ka atux kikësaibi ësai kítëkëankëxa: