Jueces 5:24 - Kashibo-Kakataibo Biblia

²⁴ ¡Jael ax ka bëtsi xanukama samaira ꞌaish rabikë ꞌiti ꞌikën, ax ka Héber quenita uni aín xanu ꞌikën! ¡Ax ka abëa tsókë xanukama samaira ꞌikën!

Jueces 5:24 ပူးပေါင်းရင်းမြစ်များ

Génesis 14:19

Upíokin sinánxunkin Abram ësokin kakëxa: Mi ka Nukën ꞌIbu Dios naí manámi ꞌikë an naí ꞌimainun mekama unio an ꞌupiokin sinánxunti ꞌikën;

Proverbios 31:31

¡Usa ꞌain ka an ꞌakë ñukama a ꞌunánkin kamabi, ëmanu ꞌikë unikaman rabiti ꞌikën! ¡ꞌAnan ka usakin ñu ꞌaia rabikë ꞌiti ꞌikën!

Lucas 1:28

Usa ꞌain ca xucëx cuanx anua ꞌicënu atsínquin María cacëxa: —Chuámashi ca ꞌit. Mi ca Nucën ꞌIbu Diosan upí oquin sinánxunia, xanu raíri ꞌacësamaira oquin. Ax ca mibë ꞌicën.

Lucas 1:42

Sinánmicëx cuëënquin ca Elisabetnën munuma María cacëxa: —Nucën Papa Diosan mi sinánxuanxa, xanu raíri ꞌacësamaira oquin. Min tuáribi ca an upí oquin sinánxunia.

Jueces 4:17

Jabín kakë ꞌapu Hasor ëmanu ꞌikë ax ka Héber quenita aín aintsikamabë upí ꞌiakëxa, usa ꞌain ka Sísara ax abati kuanx Hébernën xanu Jael kakë aín xubunu bëbakëxa,

Jueces 4:19

usakian ꞌakëxun ka Sísaranën shimairaxun ꞌumpax ñukákëxa. Ñukákëxun ka Jaelnën anua leche ꞌarukë ñuina xaká a mapëntankëxun bixun na xëanun ꞌinánkëxa; ꞌInántankëxun ka amiribishi amia xëakë a maputëkëankëxa.

Jueces 5:25

Jaelnën ka Sísaranën aín ꞌumpax ñukákëxunbi; aín vaca xuma ꞌinánxa. ¡ꞌInánan ka sëruakin vaca xuma ꞌakë aribi ain xampa upirami ꞌinánxa!