Jueces 5:20 - Kashibo-Kakataibo Biblia

²⁰ Naíkamë ꞌëo anua ꞌikë anuaxbi ka ꞌispa Sísara abë ꞌakanankin uni ꞌamainun nirakëakëxa;

Jueces 5:20 ပူးပေါင်းရင်းမြစ်များ

2 Samuel 18:8

Usai anuax ꞌakanankin ka kamabi me abi tsitsirukankëxa. ꞌImainun ka raíri Israelnën suntárukamax amami amami kuankian axa ami nishkë unikaman aín paka pian ꞌakëx ꞌiananbi kuanx kuanx ninubi bamakëxa.

Josué 10:10

ꞌAia ka Nukën ꞌIbun israel unibunën ꞌakëxa ꞌitsaira atumi rakuënun ꞌimiakëxa, usaía ꞌia ka Josuénën suntárukaman anuaxa ꞌakanankë Gabaón anuxun ꞌaisamaira amorreo unibunën suntárukama ꞌakëxa. Usokin ꞌakëxa anun Bet-horónnu, kuanti bai a bibiani abatiabi ka nuibiankin amorreo suntárukama Azecá ꞌimainun Maquedá kakë ëma rabë́ ami kikiania Israel suntárukaman kuania mërakin ꞌakëxa.

Josué 10:11

ꞌAkëbëa amorreo suntáru rairinëxribi abati Bet-horón kakë ëma ratanbiani israel suntárukaman ꞌakëx abati kuankëbëtanbi ka Nukën ꞌIbun matsin tita aín bëru chaiirabu ꞌibúkin aín manë xëtokën israel suntárukaman ꞌakësamaira okin këñunun ꞌamiakëxa.

Josué 10:12

A nëtë́an Nukën ꞌIbun ꞌamikëxun israel unibunën amorreo unikama ꞌakë a nëtën ka Josuénën aín suntárukaman kuamainun Nukën ꞌIbun ñukákin ësokin kakëxa: Barix ka Gabaón puntë nirakëti ꞌikën; ꞌimainun ka ꞌuxëribi Aialón kakë me puntë ami nirakëti ꞌikën.

Jueces 4:15

kuabutankëx atubë ꞌakananiabi ka Nukën ꞌIbun atun suntárukama ꞌimainun axa anuax ꞌakánanti manë ꞌakë caballonën nirinkë anuax ꞌakanankë Sísaranën suntárukama ꞌaisamaira rakuë́ti aín manë xëtokën Baracbë ꞌakananima abánun ꞌimiakëxa; usai ꞌikëbë ka Sísaranëxribi anuaxa ꞌakanankë caballonën nirinkë anuax ꞌibukiani abákëxa.

Jueces 5:21

Quisón kakë xëxá bërámabi unia an ꞌuñe ꞌibúkian ñu tërënbiankë usaribi okin ka atu ꞌakëxa. ¡Mix xëxá ꞌixun kamina axa mibë ꞌakanani ukë unikama aín kushibu këruti banaima abátanun ꞌimiakën!

1 Samuel 7:10

Usakian Samuelnën oveja tuá bërí kanikë ꞌaímai këñutanun xaromainun ka filisteo suntárukamax israel unikama ꞌakatsikiax atu ꞌurama obëtsini ukankëxa; usai ꞌikëbëtanbi ka Nukën ꞌIbun naínuax kanákamë ꞌëo kushiira banai sharákirui atu rapasu ꞌibúnun ꞌimikëbë ratúkankëxa, usai ꞌikëbë ratuti ka filisteo suntárukamax anuaxbi abákankëxa, usakin ꞌakëx ka israelnën suntárukaman ꞌakësa ꞌinun filisteo unikama abákëxa.