Jueces 5:19 - Kashibo-Kakataibo Biblia

¹⁹ Usa ꞌain ka abë ꞌakánanti ꞌapukama ax Taanac kakë ëma ꞌimainun Meguido kakë rapasua ꞌikë xëxá anu kuankëxa, kuankinbi ka cananeo ꞌapukaman Israel unikama abë ꞌakanankin atu ꞌaxun aín ñu biti sinanx kuankin atún ñu buanima ꞌianan aín manë uxuabi buánma ꞌikën.

Jueces 5:19 ပူးပေါင်းရင်းမြစ်များ

Génesis 14:22

Usokin kakëxunbi ka Abramnën ësokin kakëxa: —ꞌËn kana ësokin kana ꞌanuxun ꞌai kixun Nukën ꞌIbu kushiira an naíkëñun me unio a kan,

Génesis 4:16

Usakian Nukën ꞌIbu kakëx ka Caín anuaxa abë banakë me ëbiani kuankëxa, kuantankëx ka Nod, kakë me amiaxa bari urukë Edén ꞌikë anu ꞌiakëxa.

2 Reyes 23:29

A baritiakaman Josías ꞌapu ꞌain ka, Egipto menu ꞌikë ꞌapu faraón Necao kakin anëkë ax, ain suntárukamabë Éufrates baka abu kikiani Asirianu ꞌikë ꞌapu ꞌakini kuankëxa. Kuankëbë ka ꞌapu Josías ain suntárukamabë atubë akananux chikiakëxa, ꞌaínbi ka Meguido kakë ëmanua mërakin Egiptonu ꞌikë ꞌapun ꞌakëxa.

Apocalipsis 16:16

Ñunshin ꞌatimacama tuan tita iscësa, an sinánmicëx ca camabi menu ꞌicë ꞌapucama ꞌimainun aín suntárucamax Armagedón cacë me anu timë́axa. A mex ca hebreo banan Armagedón cacë ꞌicën.

Apocalipsis 19:19

Usaquin caia cuatancëxun cana ñuinacanꞌëo, ꞌimainun camabi menu ꞌicë ꞌapucamacëñun aín suntárucama ꞌacananuxa tsuáquirui timë́cë isan. Acamax ca aín suntárucamabë axa caballo uxuanu tsócë abë ꞌacananuxa timë́cë ꞌiaxa.

Jueces 4:13

kuakin ka anribi kamabi aín suntárukama ꞌimainun novecientos caballonën nirinkë anuax ꞌakánanti manë ꞌakë akama buani Haróset-goím anuax kuankëxa, kuantankëx ka Quisón kakë xëxá anu bëbakëxa.

Jueces 5:30

ꞌËn sinánkëx sapi ka ꞌakanankian bikë ñukama pain ꞌinánani ꞌia. ꞌIanan sapi ka xanu bixun an ñu mëëxunti achúshi ꞌinánkinma xanu rabë́ rabë́ axa ꞌakanankë unikama ꞌinani ꞌia; ꞌianan sapi ka Sísara aín chupa bëtsi bëtsi okin pukukë aribi achúshi ꞌinánkinma rabë́ ꞌinani ꞌia ꞌianan kara chupakama upíokin kuënëokë, an ira uni ꞌakëkama anúan tëtata kinun ꞌinani sapi ka ꞌia kiax ka kiakëxa.