Jueces 2:4 - Kashibo-Kakataibo Biblia

⁴ Ësokin atu katankëxa Nukën ꞌIbun ángel sënë́nkëbëishi ka kamabi Israel unikama munuma sharati ini tsuákiruakëxa.

Jueces 2:4 ပူးပေါင်းရင်းမြစ်များ

Jeremías 31:9

Ka kuat, abë banakin ñukánan inkuatsini ka ukanti ꞌikën. Inkuatsini aia kana ꞌën anua ꞌumpax ꞌitsaira ꞌikë me anu bëkin, bai upí anun kuani uisaibi ñumi tuaxkitima anun uanti ꞌain. Usa ꞌain kana ꞌëx Israel unikaman papa ꞌain, ꞌimainun ka Efraínëx ꞌën bakë bëchikë apansa ꞌikën, kiax ka kiakëxa.

Joel 2:12

“ꞌAinbi ka —bërí asérabi Nukën ꞌIbu ësai kiaxa—, amiribishi kamina mitsun nuitunënbi ꞌëmi asérabi sinanakanti ꞌain. ¡Usai ꞌi kamina añubi piima ꞌianan munuma kuënkëni bënëti inkanti ꞌain!”

Lucas 6:21

Mitsux ꞌacëñuma pananquinbi camina ꞌunánti ꞌain, mitsúxmi panani bënë́axma ꞌinun ca Nucën Papa Diosan mitsu ꞌinánti ꞌicën. Usai ca ꞌiti ꞌicë quixun ꞌunani camina chuámarua tani cuëënti ꞌain. Masá nuituti iníbi camina Nucën Papa Diosanbi ca ꞌë cuëënun ꞌimiti ꞌicë quixun ꞌunani chuámarua tani cuëënti ꞌain.

Lucas 7:38

Uxun ca a caxu uax aín taë ꞌicë anu nitsax inquin aín bëun Jesusan taënu tuscaquin tachabocëxa. Usaquin ꞌaquin ca aín bunbi tatërëanan tatsucucaquin ꞌinínti ron ꞌacëxa.

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.

Santiago 4:9

—Nucën Papa Dios cuëëncësabi oi cana ꞌima —quixun sinani ca masá nuituti ꞌin. Cuëëni cuaicë ꞌaíshbi ca a ëni masá nuituti bëunan mëscut. Chuámarua taními cuëëncë a ëni ca masá nuitut.

Jueces 2:3

Usa ꞌain kana bërí mitsu kain: Ënë ëmanu ꞌikë unikama kana mitsun ismainunbi chikiniman ꞌimainun ka atun rabikë dioskama ax anun mitsu paránti ꞌiti ꞌikën.

Jueces 2:5

Usai anuax ꞌikë ka Boquim kakin a me anëakëxa, anuxun ka Israel unikaman anuxunbi ñuina rëxun xaroxunkin Nukën ꞌIbu rabiakëxa.

1 Samuel 11:4

Usokin akama katankëxua xukëx kuanx ka bana chaniotia xukë unikama ax Guilbeá, anua Saúl ꞌikë anu bëbakëxa, bëbaxun ka anu ꞌikë unikama bana ñuixuankëxa. Usokin a bana ñuixunkëx ka anu ꞌikë unikama ꞌaisamairai nishkankëxa.

1 Samuel 7:6

Usakin kamikëx ka israel unibu Mispá kakë ëmanu timë́kankëxa, anuxun ka raíri unikaman ꞌumpax bitankëxun a ꞌinaishikësa ꞌitánun menu ampë́nkakëxa. Usakin ꞌakë ax ka Nukën ꞌIbu ꞌinaishiti nankë ñu ꞌiakëxa. Usakin ꞌatankëxun ka a nëtën unikama añu ñubi pima samákin atun ꞌuchakëkama Nukën ꞌIbu chikinaxunkankëxa. Anuxun ka Samuelnën Mispá kakë ëmanuxun Israel unikama aín ꞌapu ꞌixun atu ꞌakinkin pëuakëxa.