Jueces 2:20 - Kashibo-Kakataibo Biblia

²⁰ Usai ꞌia isi ka Nukën ꞌIbu Israelkamami xuamati nishi, ësai kiakëxa: “Ënë unikaman ka ësai ꞌikin atun chaitiokëkamabëtan ꞌën achúshi ñu ꞌa ꞌatimokin ꞌaia, usa ꞌixun ka ꞌën kakësa okin ꞌaisamatania.

Jueces 2:20 ပူးပေါင်းရင်းမြစ်များ

Jeremías 31:32

Ënë achúshi ñu ꞌati ax ꞌën aín chaitiokëkamabëtan ꞌasa usama ꞌiti ꞌikën, atun ka Egipto menua ꞌën mëkënan tuínxun ꞌakësokin chikinkëxunbi; ꞌëx atun bënësa ꞌaínbi ka ꞌën atubëtan ꞌën ꞌakë achúshi ñu ax kikësabiokin ꞌaisama tankëxa. ꞌËx mitsun ꞌIbu ꞌaish kana asérabi ësai kiakën.

Deuteronomio 32:22

ꞌËx xuamati nishkë ax ka tsi rëkiruia iskësa ꞌiaxa, usai ꞌikin ka kamabi ꞌain bashi chairukë; a menu kookë ñu bimiñu xaronan; ꞌain bashi chairukë a tanain ꞌikë me anubi tsi rëkirukënën ñu këñukësa usa aín nishkë ꞌiti ꞌikën,

Jueces 2:14

usokëbë Israel unikamami nishkin ka Nukën ꞌIbun an ñu mëkamakë unikaman atun ñu mëkamanun ꞌamianan, a rapasu ꞌikë unikaman an ꞌakinti ꞌaíma aín kupitanuma ꞌanun ꞌamiakëxa.

Jueces 2:19

ꞌAínbi ka an ꞌakinkë ꞌapu ñukëbëtan, amiribishi ñu ꞌatima ꞌatëkënkankëxa, ꞌakin ka atian ira atun chaitiokëkaman ꞌasamaira okin bëtsi dioskama rabikankëxa. Usakin ꞌai ka atun ñu ꞌaisama ꞌakë ëinsama tani atun sinan iruarati sinánñuma uni ꞌikësai ꞌikankëxa.