Jueces 2:19 - Kashibo-Kakataibo Biblia

¹⁹ ꞌAínbi ka an ꞌakinkë ꞌapu ñukëbëtan, amiribishi ñu ꞌatima ꞌatëkënkankëxa, ꞌakin ka atian ira atun chaitiokëkaman ꞌasamaira okin bëtsi dioskama rabikankëxa. Usakin ꞌai ka atun ñu ꞌaisama ꞌakë ëinsama tani atun sinan iruarati sinánñuma uni ꞌikësai ꞌikankëxa.

Jueces 2:19 ပူးပေါင်းရင်းမြစ်များ

Génesis 6:11

Nukën ꞌIbu Diosan iskëx ka ënë menu ñu unin bëtsi bëtsi ñu ꞌaisamaira ꞌanan bënë́kinshi ñu ꞌaisama ꞌakë ꞌiakëxa,

Nehemías 9:28

Usakinmi ꞌakinkëx upiti tsótankëxi ka amiribishi ꞌatima ñu ꞌai atux mimi ꞌuchatëkëankëxa; usai ꞌia kamina axa ami nishkë unikaman ꞌatimonun ëankën, ënia ka atun an kuëënkësokin ꞌakankëxa. Usakin ꞌakëxun ka minmi ꞌakinun kixun amiribishi mi ñukátëkëankëxa, ñukákëxun kamina ꞌitsaira nuibakin naínuxunbi atun bana kuakin, ënkinmaira ꞌitsa okin atu ꞌakiankën.

Éxodo 32:7

Atúxa usai ꞌikëbëtan ka Nukën ꞌIbun Moisés kakëxa: —Ënuax kuabutankëxun kamina Egipto menuami bëkë unikaman ka ꞌatima ñu ꞌai ꞌuchakin ꞌën kakë bana a kuaisama tanxa isi kuanti ꞌain.

Jeremías 23:17

Uikaman kara ꞌën bana kikësabiokin ꞌaisama tankin timaia, atun ka mitsu kati ꞌikën: Kamabi mitsun ꞌakë ñukama ax upí ꞌia. ꞌImainun ka ꞌain sinánkësa okinshia, an ñu ꞌakë unikamanribi mitsu kaia: Uisa ñu ꞌatimabi ka mitsunu ꞌitima ꞌikën.”

Mateo 23:32

Mitsux usa ꞌixun camina mitsun raran ꞌásaribi oquin ꞌaquin sënë́onti ꞌain.

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Josué 24:31

israel unibunën ka Josué ñutisamapan ꞌaish tsótan Nukën ꞌIbu rabiakëxa, rabia ꞌixun ka ax ñua ꞌain uni apankama an Nukën ꞌIbun kamabi ñu Israel unibu ꞌaxunia isa ꞌixun ꞌunánkë unikama atúxribi ñukëma ꞌaish tsótan rabiakëxa.

Jueces 2:18

Uínsaran kara Nukën ꞌIbu an atu ꞌakinun uni achúshi ꞌapu ꞌimia, anun ka anbi ꞌakiankëxa, ꞌakinia ka Diosan Israel an ꞌakinti kaískë unikaman ami nishkë unikaman ꞌaia nuibakin, ꞌakiankëxa, ꞌakinkin ka a unikama atunua chikínun ꞌamiakëxa.

Jueces 2:20

Usai ꞌia isi ka Nukën ꞌIbu Israelkamami xuamati nishi, ësai kiakëxa: “Ënë unikaman ka ësai ꞌikin atun chaitiokëkamabëtan ꞌën achúshi ñu ꞌa ꞌatimokin ꞌaia, usa ꞌixun ka ꞌën kakësa okin ꞌaisamatania.

Jueces 2:7

Usa ꞌain ka ax tsókëpan ꞌain Israel unikaman Nukën ꞌIbu rabi tsókankëxa; ꞌimainun ka uni aín tukurikubu axa ñukëmapain ꞌaish bukukë atun Israel unibua Nukën ꞌIbun ñu chaiirabu ꞌaxunkë a iskankëxa.

Jueces 4:1

Usa ꞌain ka Ehud, kakë atún ꞌapu ax ñukë ꞌain Israelkaman amiribishi ñu ꞌatima ꞌatëkënia ka Nukën ꞌIbun ꞌaisama atu isakëxa,

Jueces 8:33

Usai Gedeón ñukë ꞌain ka Israel unikama amiribishi amabi dios isakixun bëtsi bëtsi ñu Baal ꞌaxunkë a rabi Diosmi manúkankëxa, manukin ka amabi Baal-berit kakë ax isa Dios ꞌikë kixun sinánkin rabikankëxa.

1 Samuel 15:23

Usa ꞌaish ka uin kara ax kikësokin ꞌaima ax ami ꞌuchai an ñu tankë unikamasa ꞌiti ꞌikën; usa ꞌaish ka ñu tankin ꞌaxun rabikë unikamasa ꞌixun Diosan kakësokin ꞌaima ami ꞌuchaia. Usa ꞌaínbi kamina min an kikësokin ꞌakëma ꞌain, an kakësokin kamina ꞌaisama tanin, usa ꞌikë ka ꞌapu ꞌikëbi mi ꞌakintima ꞌikën.