Jueces 16:31 - Kashibo-Kakataibo Biblia

³¹ Usai aín xukë́n filisteo unikamabëbi ñukë kuabëtsini uxun ka aín xukë́antu ꞌimainun aín aintsi ꞌibukaman Sansón bamakë biakëxa, bibiankin buánxun ka aín nami anua aín papa Manoa bamakë maían Sorá ꞌimainun Estaol anu aín papa ñuia maínkë anubi maíankëxa. Usai ka veinte baritia pain Israel unikama ꞌapu ꞌixun ꞌakintankëx Sansón anuishi sënëni ñuakëxa.

Jueces 16:31 ပူးပေါင်းရင်းမြစ်များ

Jueces 13:2

Sorá kakë ëma anua Dannën rëbúnkinën me ꞌikë anu ka achúshi uni Manoa kakë ꞌiakëxa. Aín xanu ax ka uínsaranbi tuama ꞌiakëxa.

Jueces 13:25

Achúshi nëtën ka Sansón anua Dan kakë unikama bukukë Sorá ꞌimainun Estaol kakë ëma anuxunbi, Nukën ꞌIbun bëru ñunshinan añu kara ꞌati ꞌikë kixun ismiakëxa.

Jueces 15:20

Usa ꞌixun ka Sansónan veinte baritia ꞌimikin Israel unikama atun ꞌapu ꞌixun ꞌakiankëxa, filisteo unikaman ꞌibua ꞌain.

Jueces 16:30

munuma kuënkëni kiakëxa: “¡filisteo unikama mitsux kamina ꞌëbëbi bërí bamakanti ꞌain!” Usai kikian aín kushibëtanbi titikakin xutunkëx ka anuxua atun dios rabikë xubu atumi rurukubukin filisteo unikama atun ꞌapukama këñunbi xubun kuaintanuma atu këñuakëxa. Usakin ꞌakin ka ax asábi ꞌixuan abë ꞌakanankin ꞌasamaira okin abëbi bamakin Sansónnan xubu chakamikin uni këñuakëxa.