Jueces 16:3 - Kashibo-Kakataibo Biblia

³ Rikiankë ꞌain ka Sansón axi ꞌuxnë́ti imë́ naëx niruakëxa. Nirukiani kuankin ka anun ëmanu atsínti xëkuë ꞌikë anu kuankin ami takáshkakian ꞌakë akëñunbi, anun xëpukin xëarakë akamabi ax kushiira ꞌixun ëchíxun ꞌiabiankin Hebrón kakë ëma bëtánain ꞌikë aín bashi manan anu buáruakëxa.

Jueces 16:3 ပူးပေါင်းရင်းမြစ်များ

Salmos 107:16

¡An ka anu uni xëpúkë a xëkuëkama tukibunun ꞌimianan! ¡Anun xëputi bëarati nankë manëkama aribi tëkëbunun ꞌimiakëxa!

Miqueas 2:13

Usai ꞌikëbë rëkuë́nkiani kuania ka atun Dios nuibiankanti ꞌikën, nuibiani ka anun ëmanu atsínti xëputi anun chikikanti ꞌikën. Usai ꞌikankëbë ka Dios aín ꞌapu ax kamaxunbi atun ismainun kuanti ꞌikën.

Hechos 2:24

Usoquian unin ꞌacëbi ca Jesús a Nucën Papa Diosan baísquimiaxa, uisatimoia tsónun. Ax asaribi cushiira ꞌicëa uinu ꞌicë unínbi ashiquin bamamisama ꞌicë ca Nucën Papa Diosan aín Bëchicë baísquimiaxa.

Jueces 16:2

Bërúkëbi ka Gaza ëmanu tsókë filisteo unikaman Sansón ka nun ëmanu uaxa kixun ñuikania kuakëxa, kuaxun ka anun ëmanu atsínti xëkuënu bëaraxun a nëtën bërúankankëxa. Bërúanbaiti ka bëbakishbukëbë pëkarakëbëtan kananuna bixun rëtëti ꞌai kiax kanankiani tanti rikiankankëxa.

Jueces 16:4

Usa ꞌain ka Sansón achúshi xanu Dalila Sorec kakë menu tsókë abë kuëënankëxa.