Jueces 16:28 - Kashibo-Kakataibo Biblia

²⁸ Usai filisteo unikama anu timëkamë ꞌëokë ꞌain ka, Sansónnën munuma banakin Dios kakëxa: “ꞌËn ꞌIbu ꞌën kana mi kain usa ꞌain kamina achúshira ꞌoíshi ꞌëmi sinántëkënti ꞌain, ꞌë kamina min kushi ꞌinánti ꞌain, ꞌën bëru rabë́ ëchikë kupí filisteo unikama achúshi okin ꞌakë anuishi bëríbi këñuminun.”

Jueces 16:28 ပူးပေါင်းရင်းမြစ်များ

Salmos 116:4

Usa ꞌain kana Nukën ꞌIbu ami sinánkin, ꞌëa ꞌakinun kakin ñukákën.

Salmos 91:15

Uínsaran kara ꞌakinun kixun ꞌë kaia anun kana ꞌakinti ꞌain; ¡ꞌëxbi kana abë ꞌiti ꞌain! Usakin ꞌai kana ꞌëx abëbi ꞌiti ꞌain, ꞌënbi kana ꞌupiokin kamina ñu ꞌa kixun mi kati ꞌain;

Jeremías 15:15

¡Nukën ꞌIbu Dios min kamina kamabi ñu ꞌunanin! ¡Usa ꞌain kamina ꞌëmi sinánkin ꞌë ꞌakinti ꞌain! ¡An ꞌë ꞌatima okin ubíokë unikama akamina ꞌatima oti ꞌain! Usa ꞌain kamina atu nuibairatima ꞌain, ꞌëma ꞌaia usa ꞌain; min kamina isti ꞌain, ꞌën kana mi kupí atun ꞌichakëxunbi tënëin.

Jonás 2:7

Usa ꞌain kana kushiñumasa tani kana bamati ꞌai kixun sinani, mimi sinan; sinánkin ñukákëxun kamina mix Dios ꞌixun anuxun, mi rabiti xubu upíira anuxun ꞌakësokin naínuxunbi ꞌën mi ñukákëxun kuan.

2 Timoteo 4:14

Alejandro, an manë ñu uniocë uni, an ca ꞌëmi manánxun ꞌitsaira ꞌë tëmëramiaxa. Usa cupí ca uisa cara oti ꞌicë usoquin Nucën ꞌIbu Diosan ꞌati ꞌicën.

Hebreos 11:32

¿Uisaquinribi carana mitsu cati ꞌain? Gideón, Barac, Sansón, Jefté, David, Samuel, acama ꞌiá ꞌimainun an Nucën Papa Dios quicë bana uni ñuixuncë unicamaribi mitsu ñuixunquinbi cana sënë́ontima ꞌain.

Apocalipsis 6:10

A ñunshinax ca munuma banai quiaxa: —Nucën ꞌIbu Dios, upíira upí ꞌaish ꞌuchañumaira ꞌixun mix quicësabi oquin ꞌacë ꞌicë, ¿uínsarainra caramina menu ꞌicë unicama, an nu ꞌa, a cupiti ꞌain?

Jueces 15:18

ꞌImainun ka usokin ꞌatankëx Sansón ꞌitsaira shimakë ꞌixun, Nukën ꞌIbu kuënkin kakëxa: ¿Min kamina axa numi nishkë unikama ënë kupitanunma ꞌanun ꞌë ꞌamian, usakin ꞌaxunbi kaina bërí ꞌë shiman bamanun ꞌimianan axa min bana kuakëma unikama ꞌëx ñukëbë ꞌënun kuainun ꞌimiti ꞌain?

Jueces 16:27

Usai ka kamabi filisteo ꞌapukama anuxuan atun dios rabikë xubu anu timë́kë ꞌiakëxa, timë́kë ꞌaish ka ꞌaisamaira uni ꞌimainun xanu timëkamë ꞌëokë ꞌiakëxa. Usai ꞌimainun ka tres mil unibëtan sënë́nsa unikamaribi xubu manámi uisakin kara Sansón abë kuëënkin raíritan ꞌaia isi anu kuaruax timëkamë ꞌëokë ꞌiakëxa.

Jueces 16:29

Ësakin Dios katankëx sënë́nkinshi ka ami xubu puruti nëbë́tsi nitsínkë rabë́ a aín mëkënan ramëkin tanishi,

Jueces 5:31

¡Nukën ꞌIbu ꞌëx kana axa min unikamami nishkë unikama këñuti kuëënin, ꞌimainun ka an mi nuibakë unikamax upitax bukui barin urukin aín kushin pë́kabëtsinkësa usaribi ꞌiti ꞌikën!” Usai ꞌiaxa sënë́an ka cuarenta baritia ꞌimi a menuax ꞌakanantëkënima upitax buküakëxa.