Jueces 16:26 - Kashibo-Kakataibo Biblia

²⁶ Usa ꞌain ka Sansónnën an mëinxun bëkë tuá a kakëxa: —ꞌË kamina anuxun atun dios rabiti xubu ꞌakin ami puruti nitsínkë rabë́ anuxun mëkënan tainsabinu ami këpiti ninun ꞌë nitsínti ꞌain.

Jueces 16:26 ပူးပေါင်းရင်းမြစ်များ

Jueces 16:25

Usai ꞌaisamaira kuëëni ka atubëisa kuëënun isa Sansón bënun kiax kikankëxa. Kikëbëtan ka Sansón sipunua chikíankëxa chikínbëtsinkin bëkë ka ami kuaikin anuxun atun dios rabiti xubu ꞌakin nitsínkë rabë́ a nëbëtsi nitsínun kiax kuëëni kikankëxa.

Jueces 16:27

Usai ka kamabi filisteo ꞌapukama anuxuan atun dios rabikë xubu anu timë́kë ꞌiakëxa, timë́kë ꞌaish ka ꞌaisamaira uni ꞌimainun xanu timëkamë ꞌëokë ꞌiakëxa. Usai ꞌimainun ka tres mil unibëtan sënë́nsa unikamaribi xubu manámi uisakin kara Sansón abë kuëënkin raíritan ꞌaia isi anu kuaruax timëkamë ꞌëokë ꞌiakëxa.