Jueces 16:24 - Kashibo-Kakataibo Biblia

²⁴ Usai atux ꞌia isi ka unikamaxribi atun dios rabi ësai ki kantakëxa: “Nun diosan ka axa numi nishkë Sansón a binun nu ꞌamiaxa, an ka nun ñu ꞌapákëkama ꞌatima onan nun aintsi raírikamaribi ꞌitsaira ꞌaxa.”

Jueces 16:24 ပူးပေါင်းရင်းမြစ်များ

Daniel 5:23

Usa ꞌain kamina mix ꞌapu ꞌaish Nukën ꞌIbu Dios naínu ꞌikë ami kuaikin mesanuxun ami xëakë xampakama anuxun Dios rabiti xubunua ꞌia akama bëan, bëxun kamina min kamikë unikamabëtan ami uvas baka paëokin vino ꞌakë xëakin min dioskama kuri, manë uxua, manë panshian, manë tunan, i ꞌakë ꞌimainun maxá ꞌakë mitsun dioskama rabikin ami xëan; akaman ka isima ꞌimainun kuatima ꞌianan ka añu ñubi ꞌunanima. Usa ꞌaínbi kamina Dios an mix ꞌapu ꞌikë bërúankin tsónun ꞌimikë a rabikëma ꞌain, an ka an kuëënkësa okin mi kamabi ñu min ꞌakë a ꞌanun mi ꞌamiaxa.

Daniel 5:4

Usakin ꞌakin ka kamaxunbi unínbia a rabinuxun kuri, manë uxua, manë panshian manë tunan, i ꞌimainun maxax ꞌakë akama rabikankëxa.

Habacuc 1:16

Usa ꞌain ka an tsatsa bikë unikaman atun rika rabianan, atun mishkitikama aribi ñuina xaroxunkin, asábi ka kakin a kupí kananuna upí pitiñu ꞌianan, ꞌitsaira pitiñu ꞌai kiax kia.

Deuteronomio 32:27

ꞌaínbi kana atumi nishkë unikamaxa ꞌëmi kuai kiti ꞌikë kixun sinánkin ꞌakëma ꞌain; ꞌakinma kana atúxa ꞌëmi kuai kánani: Nukën ꞌIbun ka atu ësokin ꞌakëma ꞌikën; nun kushínbi kananuna ësokin ꞌa kiax kiti ꞌikën.

Apocalipsis 11:10

A rabëtan Nucën Papa Diosan bana ñuixunquin atun ꞌuchacama sinánmicë cupí ca axa Nucën Papa Diosmi sináncëma unicama a rabë́ bamacë isi cuëënti ꞌicën. Cuëëni ca abëa nuibanancë unicamabë ñu ꞌinánanti ꞌicën.

Jueces 15:14

Chikin bëtsinkin bëkëxa Lehi anu bëbakëbë ka filisteo unikama abë mëranani ꞌitsaira kuëëni kuënkëni chikiakëxa. ꞌAínbi ka Diosan bëruñunshinan ꞌamikëxun Sansónan anúan aín pëñan këñun aín mëkën tëkërëkakë itsikama a tëkapakëxa, tsin xarokë lino risikama ꞌakësokinshi;

Jueces 15:16

Usakin ꞌatankëx ka kiakëxa: Achúshi burro maxkanu ꞌikë ain kuëshatan; kana achúshi tsaman ꞌanan rabë́ tsamanribi ꞌan achúshi burro maxo ain kuëshatan kana mil filisteo rëtëan.

Jueces 15:8

Ësokin atu kaíbi ꞌaisamaira nishkin tankin anua ꞌikë unikama ꞌitsaira ꞌabiani ka Etam kakë menu ꞌikë mapara kini anu tsóti kuankëxa.

Jueces 16:25

Usai ꞌaisamaira kuëëni ka atubëisa kuëënun isa Sansón bënun kiax kikankëxa. Kikëbëtan ka Sansón sipunua chikíankëxa chikínbëtsinkin bëkë ka ami kuaikin anuxun atun dios rabiti xubu ꞌakin nitsínkë rabë́ a nëbëtsi nitsínun kiax kuëëni kikankëxa.

1 Samuel 31:9

Mëraxun ka suntáru achúshinën Saúl aín maxká tëbískakin bimainun raírinën anuan ꞌakanankë akamabi biakëxa, usokin ꞌatankëxun ka kamabi filisteo mekamanu ꞌikë unikama ꞌimainun anuxua atun dios rabikë xubunu ꞌikë unikamabia chanionun kixun uni xuakëxa.