Jueces 16:20 - Kashibo-Kakataibo Biblia

²⁰ munuma kuënkëni kiakëxa: —¡Sansón mi ka filisteo unikaman ꞌaia ka bësut! Usai kikëbë ka aín bu tëakëma ꞌaísha ꞌikësa usai ꞌiisa sinani Sansón bësuakëxa, bësukinbi ka Nukën ꞌIbun ka ꞌë ëanxa kixun ꞌunánma ꞌikën.

Jueces 16:20 ပူးပေါင်းရင်းမြစ်များ

Isaías 42:24

¿Uin kara Israel unikama Jacobnën rëbúnkikama a raíri ꞌanan bibiankin ain menu buánun ꞌamiakëx? ¿An usakin ꞌakë ax kara asérabi Nukën ꞌIbun ꞌamikëma ꞌiakëx? Atux ka ami ꞌuchakëxa, usai ꞌikin ka an kakësokinbi ꞌakëma ꞌikën, ꞌianan ka ain bana ax kikësokinbi ꞌaíma ꞌianan, an ꞌunánmikësa okinbi ꞌaisama tankankëxa.

Números 14:9

Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

Mateo 17:16

Usaia ꞌia cana min ꞌunánmicë unicamanu ꞌëa pëxcuxunun quixun bëan. Bëiabi ca ꞌë pëxcuxuncëma ꞌicën.

Mateo 17:20

Cacëxun ca Jesusan cacëxa: —Mitsun camina uisaira cushi cara Nucën Papa Diosan cushi icë quixun sinaniman. Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, Ënë ñu cana ꞌatima ꞌai, quixun sinánquinbi asérabi ami catamëquin ñucáquin camina uisa ñu caramina ꞌaisa tani a ꞌati ꞌain. Mitsux ami ꞌitsamashi catamëcë ꞌixunbimi ënë matá, Ënuax ca ꞌuri tacút, cacëx ca ꞌuri tacúti ꞌicën.

2 Corintios 3:5

Nun cushínbi cananuna Cristo ñuiquin mitsu bana ñuixuan quixun cananuna sinaniman. Nucën Papa Diosan ꞌamicëxuinshi cananuna mitsu aín bana ñuixuan.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!

Jueces 16:14

xëotankëxun ka imaxu tëakë memi takáshkakin nitsinkëmi aín bu xëokë a tëkërë katankëx munuma kuënkëni kiakëxa: —¡Sansón filisteo unikamax ka mi ꞌai aia kiaxa. Kikëbë nirukin ka Sansónnën i tëakë memi takáshkakin nitsínkë amia aín bu xëoxun chupa sanikëñun ami tëkërëkakë a ëchíkin tëkapakëxa!

Jueces 16:19

Umainun ka Dalilanën Sansón aín kisinu makëpimëtia ꞌuxnun ꞌuxmiakëxa, ꞌuxmixun ka achúshi uni an aín bu mapai achúshi ꞌimainun rabë́ okin xëokë a tëanun kuëankëxa. Kuënkëx uxuan aín bu tëan ka. Sansón bësuni,

Jueces 16:21

Usai ꞌia kushiñuma ꞌaish sinánkasmaia ka filisteo unikaman ñatanxun aín bëru rabë́ ëchiakëxa, ëchíxun ka Gaza kakë ëma anu buánxun manë risi uxua ꞌakë anun tëkërë kaxun anun ñu rënti ꞌakë anua ñu rëni sipunuax tënun ëankëxa.

Jueces 16:3

Rikiankë ꞌain ka Sansón axi ꞌuxnë́ti imë́ naëx niruakëxa. Nirukiani kuankin ka anun ëmanu atsínti xëkuë ꞌikë anu kuankin ami takáshkakian ꞌakë akëñunbi, anun xëpukin xëarakë akamabi ax kushiira ꞌixun ëchíxun ꞌiabiankin Hebrón kakë ëma bëtánain ꞌikë aín bashi manan anu buáruakëxa.

Jueces 16:9

Nëakë ꞌain ka bërámashi aín ꞌuxtinu unëkë unikama anu ꞌain munuma kuënkëni kikankëxa: —¡Sansón mi ka filisteo unikaman ꞌaia, kikëbë ratuti nirukin ka anúan nëakë kanti mëxi, a ñuman xënira ꞌakësokinshi të́kakëxa! Usokin ꞌakëbë ka uisa ꞌaish kara kushiira ꞌikë kiax filisteo unikamax Sinánkasmakëxa.

1 Samuel 16:14

Usa ꞌain ka Nukën ꞌIbun aín bëru ñunshin Saúlnua, chikinnun ꞌimianan anbi ñunshin ꞌatima an ꞌatimonun Nukën ꞌIbun anu xuakëxa, an ka ñunshin bakënun ꞌimiakëxa.

1 Samuel 18:10

A nëtë́an aín xubunuxunbi ñu mëëxuni anubi bërunu koonkë a pëkarakëbëtan Diosan anu xukëxun ñunshin ꞌatimanën anua ꞌikë ꞌapun xubu a ꞌukëmëu ꞌikëbia bikëx ñunshin bakëkësa ꞌiakëxa. ꞌIkëbëtan ka an ꞌakësabi okin arpa Davidtan ꞌakëxa, ꞌamainun ka Saúl ain manë xëtokë a rapasu nankë ꞌiakëxa.

1 Samuel 18:12

ꞌAmian ka Saúl Davidmi Diosan ka ꞌakinia kixun ꞌunani rakuë́akëxa, usa ꞌain ka Nukën ꞌIbun David ꞌakiankëxa, ꞌaínbi ka Saúl ꞌakinti Diosan ënkë ꞌiakëxa.