Jueces 16:15 - Kashibo-Kakataibo Biblia

¹⁵ Usakin ꞌaia iskin ka aín xanu Dalilanën kakëxa: —¡Këmëntapun! ¿Uisati karamina ꞌë ismina kuëëni kikínbi ꞌë paránin? Bërí ka rabë́ ꞌimainun achúshi okinmi ꞌëmi kuaikin usokin ꞌë ꞌakë ꞌikën, ꞌaínbi kamina bëríbi uisa kushiñuira ꞌaish kaina usai ꞌi ꞌë kakëma ꞌain.

Jueces 16:15 ပူးပေါင်းရင်းမြစ်များ

Génesis 29:20

Usokin mëníotankëx ka Jacob Raquel bisatani mapai achúshi ꞌimainun rabë́ baritia ñu mëakëxa, usakin an ñu mëëkin tankëxbi a baritiakama ainan ꞌitsamarasa ꞌiakëxa, an Raquel ꞌitsaira kuëënkin tankëx.

2 Samuel 16:17

Ësai kia ka Absalónnën ñukákëxa: —¿Uisakin kaina min ꞌunánkë uni nuibakin rabikin kain? ¿Uisati kaina abë kuankëma ꞌain?

Proverbios 23:26

Mix ꞌën bakë bëchikë ꞌixun kamina, ꞌën mi kakë banakama kikësokin kana ꞌati ꞌai kixun ꞌë kati ꞌain, usa ꞌain kamina ꞌën mi ꞌunánmikë banakama axa min ꞌunánkë ꞌinun ꞌimiti ꞌain;

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

1 Juan 5:3

Axa Nucën Papa Diosmi asérabi sináncë uni, an ca aín bana quicësabi oquin ꞌaia. Ax quicësabi oquin ꞌaisa ca a bana ꞌicën.

Jueces 14:16

Usakian kakëx kuanxun ka aín xanun Sansón ami inkin kakëxa: —¡Min kamina ꞌë kuëënima! ¡Mix kamina ꞌëmi nishin! Usa ꞌixun kamina ꞌën aintsikama uisai kikë karaisa a bana ꞌikë iskatsi kixun kan, ꞌaínbi kamina min ꞌëbi uisai kikë kara a bana ꞌikë kixun kakëma ꞌain. Kixuan kakëxun ka Sansónnën kakëxa: —ꞌËn papakëñun ꞌën titabi ñuixukëma ꞌixun karana ꞌën uisaxun a bana mi ñuixuti ꞌain.

Jueces 16:14

xëotankëxun ka imaxu tëakë memi takáshkakin nitsinkëmi aín bu xëokë a tëkërë katankëx munuma kuënkëni kiakëxa: —¡Sansón filisteo unikamax ka mi ꞌai aia kiaxa. Kikëbë nirukin ka Sansónnën i tëakë memi takáshkakin nitsínkë amia aín bu xëoxun chupa sanikëñun ami tëkërëkakë a ëchíkin tëkapakëxa!

Jueces 16:16

Usakian Dalilanën nëtë́tibi kamabi hora ꞌurainra ubíokin an kakësabiokin ñukákëx, ka Sansón atsanx a kuaisama tani anunbi bamatisa tankëxa;