Jueces 15:20 - Kashibo-Kakataibo Biblia

²⁰ Usa ꞌixun ka Sansónan veinte baritia ꞌimikin Israel unikama atun ꞌapu ꞌixun ꞌakiankëxa, filisteo unikaman ꞌibua ꞌain.

Jueces 15:20 ပူးပေါင်းရင်းမြစ်များ

Génesis 49:16

Dannën rëbúnkinën ka aín aintsi ꞌibukaman ꞌapu ꞌixun ꞌakinti ꞌikën, ax ka achúshi uni Jacobnën rëbúnkisa ꞌiti ꞌikën.

Hebreos 11:32

¿Uisaquinribi carana mitsu cati ꞌain? Gideón, Barac, Sansón, Jefté, David, Samuel, acama ꞌiá ꞌimainun an Nucën Papa Dios quicë bana uni ñuixuncë unicamaribi mitsu ñuixunquinbi cana sënë́ontima ꞌain.

Jueces 13:1

Usa ꞌain ka Israelkama an ismainunbi ñu ꞌatima ꞌatëkënia okin Nukën ꞌIbun filisteo unikaman cuarenta baritia ꞌimikin tëmëranun ꞌimiakëxa.

Jueces 13:5

ësokin kamina ꞌati ꞌain, ami bakënti tuá ax ka Diosan uni achúshi ꞌikën kixun unikaman ꞌunánun ka kania uínbi ain bu tëatima ꞌikën, an pain ka filisteo unikaman ꞌatima oia israel unibu ꞌakinti ꞌikën, ainanshi ꞌinun ka Diosan bakënkë ꞌikëmabi kaisaxa.

Jueces 16:31

Usai aín xukë́n filisteo unikamabëbi ñukë kuabëtsini uxun ka aín xukë́antu ꞌimainun aín aintsi ꞌibukaman Sansón bamakë biakëxa, bibiankin buánxun ka aín nami anua aín papa Manoa bamakë maían Sorá ꞌimainun Estaol anu aín papa ñuia maínkë anubi maíankëxa. Usai ka veinte baritia pain Israel unikama ꞌapu ꞌixun ꞌakintankëx Sansón anuishi sënëni ñuakëxa.

1 Samuel 4:18

Usakin nu ꞌakin ka suntárukaman bunántisa okin ꞌakë a biaxa kixun ñuia kuatira ka, Elí anun ëmanu atsínti xëkuë rapasu tsótaxbi kaniakëkëira ꞌaish aín ratúkënanbi kaxutan nipakëti tëtsasikiti ñuakëxa. An ka cuarenta baritia Israel unikama atun ꞌapu ꞌixun ꞌakiankëxa.