Jueces 15:19 - Kashibo-Kakataibo Biblia

¹⁹ Usa ꞌain ka Diosan Lehi kakë me anua kini naëkënua ꞌumpax mëranun ꞌimiakëxa, ꞌimikëxa chikitia ka ꞌumpax Sansónnën xëakëxa, xëaika Sansón amiribishi kushitëkëankëxa. Usa ꞌaish ka anua unikë ꞌumpax Lehinu ꞌikë ax En-hacore kakin anëa ax anubi ꞌikën. (En-hacore kikë ax ka ꞌumpax ñukákë ki kikë bana ꞌikën.)

Jueces 15:19 ပူးပေါင်းရင်းမြစ်များ

Génesis 16:13

Usa ꞌain ka Agar Nukën ꞌIbubë banatankëx abi kiakëxa, kikin anëkin ka Diosan ka ꞌë isia kikin anëakëxa, usa ꞌain kana bëríbi Diosan ꞌë iskëxbi ñukëma pain tsoti ꞌain.

Génesis 28:19

A menu ka bëráma achúshi ëma Luz kakin anëkë ꞌiakëxa, usa ꞌikëbi ka Jacobnën aín anë bëtsiokin anëkin Betel kakin anëakëxa. Betel kikë bana ax ka Diosan xubu ki kikë bana ꞌikën.

Génesis 30:30

ꞌëx ukëmapan ꞌain ka min ñuina ꞌarakakëkama ꞌitsamashi ꞌiakëxa, usa ꞌaínbi ka ꞌën bërúaia Nukën ꞌIbu ꞌakinkëx bërí ꞌaisamaira min ñuina ꞌikën; ꞌaínbi karana, ¿Uínsaran ꞌënanbi ñu mëi ꞌën xanu ꞌimainun ꞌën bëchikë kamanan ñu ꞌarakati ꞌain?

Génesis 45:27

Usai ꞌikinbi ka atúan ñuixunkëxun Josénëan anun kuanti xuxunkë carreta isanan ñukama aribi isi ꞌitsaira kuëënkin kuanti sinánkëxa.

Salmos 110:7

Usa ꞌain ka bainu ꞌikë xëxá ꞌumpax ꞌapu an xëati ꞌikën, xëakëxun ka ꞌumpax an kushinun ꞌimitëkënti ꞌikën.

Salmos 34:6

ꞌËx ñuñuma unisa ꞌixunmabi kana Nukën ꞌIbun ꞌakinun kixun ñukákën, ñukákëxun kuakin ꞌakinkin ka ꞌëx tëmërai masánuitutia iskin ꞌë ꞌakiankëxa.

Éxodo 17:15

Anu ka Moisésnën achúshi ñu anuxun Nukën ꞌIbu rabikin ñuina xaroti ꞌakëxa, ꞌatankëxun Diosan aín kushin nu ꞌakinkëxun kananuna ax numi nishkë unikama këñukin ꞌa kixun kakin anëakëxa,

Isaías 40:26

Manámi bësukin kamina naími okin iskanti ꞌain: ¿Uin kara kamabi ñu uniokëx? An ka kamabi uniotankëxun ꞌispakama aín anën anëkin nankëxa, usa ꞌixun ka achúshi achúshi usai kamina ꞌiti ꞌai kixun kakëxa. Aín kushi chaiira ꞌain ka uinu ꞌikë ꞌispaxbi nëtë́tima ꞌikën.

Isaías 40:29

An ka axa atsánkë unikama kushitëkënun ꞌimia, ꞌimianan ka kushiñuma uni aribi amiribishi sinanatëkënia kushinun ꞌimia.

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Números 20:11

Ësokin kakinshia Moisésnën aín tsati manámi okin rabë́okin mapara taxkakëxa, taxkakëbëshi ka mapara mëuküax chaiira ꞌinun tanpëkuatsini ꞌumpax chikíakëxa. Usai ꞌia ka unikaman atun ñuina kamabëtan ꞌumpax xëakëxa.

Jueces 15:9

Filisteo unikamax ka utankëx Judá menu bëbax anu ꞌikankëxa, ꞌika anua Lehi ꞌikë anubi sënëni ꞌikankëxa,