Jueces 15:14 - Kashibo-Kakataibo Biblia

¹⁴ Chikin bëtsinkin bëkëxa Lehi anu bëbakëbë ka filisteo unikama abë mëranani ꞌitsaira kuëëni kuënkëni chikiakëxa. ꞌAínbi ka Diosan bëruñunshinan ꞌamikëxun Sansónan anúan aín pëñan këñun aín mëkën tëkërëkakë itsikama a tëkapakëxa, tsin xarokë lino risikama ꞌakësokinshi;

Jueces 15:14 ပူးပေါင်းရင်းမြစ်များ

Salmos 118:11

Amami amamixuan bëarabuinkëxunbi kana, ꞌën ira Diosan anën atu ꞌakën.

Éxodo 14:3

Usaími mitsux ꞌikëbëtan ka ꞌapu faraónën sinánti ꞌikën: israel unikamax ka uimiu kara kuanti ꞌikë kixun ꞌunánima anu uni ꞌikëma menuax kuaínbëkini nitsia kixun.

Éxodo 14:5

Usaia atux ꞌimainun ka Egiptonu ꞌikë ꞌapun Israel unikama ka abatia kixun chaniokania kuakëxa. Usakin chanioia kuati ka ꞌapu faraón ꞌimainun an ñu ꞌaxunkë aín unikama atumi sinani kánani kiakëxa: ¿Uisoti karanuna israel unibu kuantanun xuan, uin kara bërí nukama ñu mëëxunti ꞌik?

Filipenses 4:3

An ꞌëbëtan Jesucristo ñuiquin uni bana ñuixuncë a cana ësoquin cain, ënë xanu rabë́ camina bëtsibë upí ꞌinun ꞌaquinti ꞌain. Atun ca ꞌë ꞌimainun Clemente, ꞌimainun anribia ꞌën ꞌacësaribi oquin aín bana ñuixuncë a unicamabëtan, Jesucristomia sinánun unicama ꞌaquianxa. An usoquin uni ꞌaquincë unicaman anë ca Nucën Papa Diosbë ꞌitioquian aín nëtënu ꞌicë quiricanu cuënëo ꞌicën.

Jueces 14:19

Usokin atu kaiashi ka Nukën ꞌIbun Bëru Ñunshinan kushiira uni ꞌinun Sansón ꞌimiakëxa; Usakin ꞌimikëx Ascalón kakë ëmanu kuanxun ka filisteo unikama Sansónnën treinta uni anu ꞌikë rëtëakëxa, rëtëxun ka unikaman chupa bibianxun anunbi an kakë bana ñuixunkë unikama a kupíokin ꞌinánkëxa. Usokin ꞌabiani ka aín papan xubunu bëtsi sinánkëshi ꞌaish kuankëxa,

Jueces 14:6

ꞌAiabi ka Nukën ꞌIbun aín bëru ñunshinan Sansón kushiira ꞌinun ꞌimiakëxa, ꞌimikëxun ka anun ꞌati ñu tuinkë ꞌixunmabi aín kushínbi achúshi cabranën tuára ꞌakësokinshi an pikatsikiax ukë ꞌinuan tëtsëkakin bikëxa bamaia tukapakëxa. Usakin ꞌaxunbi ka aín papa usakian ꞌakë a ñuixuanma ꞌikën.

Jueces 15:13

Kakëxun ka atun kakëxa: —Usama ka mi kananuna ꞌaiman. Ñatanxunshi kananuna mi filisteo unikama ꞌinánkatsin. Usa ꞌain ka bitankëxun itsi ió rabëtan nëatankëxun anua unë́kë kini anua chikíankëxa.

Jueces 15:9

Filisteo unikamax ka utankëx Judá menu bëbax anu ꞌikankëxa, ꞌika anua Lehi ꞌikë anubi sënëni ꞌikankëxa,

Jueces 16:12

Usa ꞌain ka Dalilanën itsi rastun iókama bikë anun upíokin Sansón nëatankëx munuma kuënkëni kiakëxa: —¡Sansón mi ka filisteo unikaman ꞌaia kixun kuënkëonkin kakëxa! Usakin ka bëtsi nëtën ꞌakësokin unikama aín ꞌuxtinu unëtëkëntankëx kiakëxa; kikëbë nirukin ka Sansónnën anun nëakë itsi ñuman bëntsinra ꞌakësokinshi tëkapakëxa.

Jueces 16:24

Usai atux ꞌia isi ka unikamaxribi atun dios rabi ësai ki kantakëxa: “Nun diosan ka axa numi nishkë Sansón a binun nu ꞌamiaxa, an ka nun ñu ꞌapákëkama ꞌatima onan nun aintsi raírikamaribi ꞌitsaira ꞌaxa.”

Jueces 16:9

Nëakë ꞌain ka bërámashi aín ꞌuxtinu unëkë unikama anu ꞌain munuma kuënkëni kikankëxa: —¡Sansón mi ka filisteo unikaman ꞌaia, kikëbë ratuti nirukin ka anúan nëakë kanti mëxi, a ñuman xënira ꞌakësokinshi të́kakëxa! Usokin ꞌakëbë ka uisa ꞌaish kara kushiira ꞌikë kiax filisteo unikamax Sinánkasmakëxa.

Jueces 5:30

ꞌËn sinánkëx sapi ka ꞌakanankian bikë ñukama pain ꞌinánani ꞌia. ꞌIanan sapi ka xanu bixun an ñu mëëxunti achúshi ꞌinánkinma xanu rabë́ rabë́ axa ꞌakanankë unikama ꞌinani ꞌia; ꞌianan sapi ka Sísara aín chupa bëtsi bëtsi okin pukukë aribi achúshi ꞌinánkinma rabë́ ꞌinani ꞌia ꞌianan kara chupakama upíokin kuënëokë, an ira uni ꞌakëkama anúan tëtata kinun ꞌinani sapi ka ꞌia kiax ka kiakëxa.

1 Samuel 10:10

Usai ꞌikiani kuanxa Saúl aín unibë Guibeá, anu bëbakë ꞌain ka, an Dios kikë bana ñuixunkë unikamax atubë mëranani kuankëxa. Kuankë ꞌain ka Diosan Bëru Ñunshin upitan abë ꞌixun ꞌamikëxun Saúlnën atun ꞌakësaribi okin bana ñuixunkin uni kuëënmiakëxa.

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.

1 Samuel 11:6

Kakëxun kuakëbëshia Diosan bëru ñunshin anu ꞌirukëbë ka; ꞌaisamairai Saúl nishakëxa.

1 Samuel 17:35

nuibianxun ꞌën ñuina xëñubiankin buaniabi nipamikin rishkixun rëkë ꞌain. Usokëx ꞌë ribi bikatsikiax aiabi kana, aín kuëshánu bixun rishkikin rëtëkë ꞌain.

1 Samuel 4:5

Usakin bëia isi anua atux bukukë anu bunántisa okin ꞌakë kurin ratakakakë a nukukëbë ka, Israel suntárukamax ꞌitsaira kuëëni me banami chirinkin me shaíkaisa oi ꞌikankëxa.