Jueces 14:6 - Kashibo-Kakataibo Biblia

⁶ ꞌAiabi ka Nukën ꞌIbun aín bëru ñunshinan Sansón kushiira ꞌinun ꞌimiakëxa, ꞌimikëxun ka anun ꞌati ñu tuinkë ꞌixunmabi aín kushínbi achúshi cabranën tuára ꞌakësokinshi an pikatsikiax ukë ꞌinuan tëtsëkakin bikëxa bamaia tukapakëxa. Usakin ꞌaxunbi ka aín papa usakian ꞌakë a ñuixuanma ꞌikën.

Jueces 14:6 ပူးပေါင်းရင်းမြစ်များ

Salmos 91:13

ꞌIanan kamina paru ꞌinúan ꞌimainun, ñuinakan ꞌëobu runu akama nëbëtsi nikëbi ka mi uisabi otima ꞌikën.

Isaías 42:2

Usa ꞌain ka munuma banai kushin kiabi, ain bana ëman nikë unikaman kuakëma ꞌiti ꞌikën,

Mateo 11:29

Mitsúxmi cuëënia cana uisari caramina upí ꞌiti ꞌai quixun mitsu ꞌunánmiti ꞌain. Ñu caquinma cana tëmëraquinmami ꞌati sënë́inshi ꞌëx cuëëncësabi oi ꞌinun mitsu ꞌimiti ꞌain. ꞌImixun ꞌën ꞌaquincëx camina upí oquin sinani chuámashirua tani cuëënti ꞌain.

Hebreos 11:33

Raíri unínribi ca Nucën Papa Diosmi catamëquin —an ca nu ꞌaquinia —quixun ꞌunánquin bëtsi ꞌapun suntárucamabë ꞌacananquin ñusmocëxa. Raíri uniribi ꞌapu ꞌixun ca Nucën Papa Diosmi sinánquin a unicama upiti bucunun, upí oquin ꞌaquiancëxa. Ami sinania ca a unicama ax quicësabi oquin Nucën Papa Diosan ꞌaquiancëxa. Raíriribi ca ami nishquian, unin ꞌinun pinun quixun aín cënënu niabi, Nucën Papa Diosan sinanën ꞌinúnbi piama ꞌicën.

1 Juan 3:8

Usa ꞌaínbi ca an ñu ꞌatima ꞌacë unicama ax ñunshin ꞌatimanën ꞌapun uni ꞌicën, ñunshin ꞌatimanën ꞌapu ax ca nëtë ióñubi ꞌucha ꞌaish usabii bërí nëtë́nbi ꞌuchaia, usa ꞌain. Usa ꞌaínbi ca ñunshin ꞌatimanën ꞌapúan ñu ꞌatima ꞌacëcama cëñui Nucën Papa Diosan Bëchicë uacëxa.

Jueces 13:25

Achúshi nëtën ka Sansón anua Dan kakë unikama bukukë Sorá ꞌimainun Estaol kakë ëma anuxunbi, Nukën ꞌIbun bëru ñunshinan añu kara ꞌati ꞌikë kixun ismiakëxa.

Jueces 14:19

Usokin atu kaiashi ka Nukën ꞌIbun Bëru Ñunshinan kushiira uni ꞌinun Sansón ꞌimiakëxa; Usakin ꞌimikëx Ascalón kakë ëmanu kuanxun ka filisteo unikama Sansónnën treinta uni anu ꞌikë rëtëakëxa, rëtëxun ka unikaman chupa bibianxun anunbi an kakë bana ñuixunkë unikama a kupíokin ꞌinánkëxa. Usokin ꞌabiani ka aín papan xubunu bëtsi sinánkëshi ꞌaish kuankëxa,

Jueces 14:5

Usa ꞌain ka Sansón aín papa kabiani abë Timná kakë ëma anu kuankëxa. Kuanibi ka aín papabë ënanankiani ëma ꞌurama uvas ꞌapákë ꞌikë anúan kuankëbë ka achúshi ꞌinúan në́kë ami në́kuatsini pikatsikiax uakëxa.

Jueces 14:7

Usakin ꞌabiani kuanx ka an bisatankë xanu a binux aín aintsikamabë banakëxa.

Jueces 15:15

usokin ꞌatankëxun ka anua burro maxo ꞌaimairai ëskikëma a biakëxa, bixun ka anun mil filisteo unikama rëtëakëxa.

Jueces 15:8

Ësokin atu kaíbi ꞌaisamaira nishkin tankin anua ꞌikë unikama ꞌitsaira ꞌabiani ka Etam kakë menu ꞌikë mapara kini anu tsóti kuankëxa.

Jueces 16:30

munuma kuënkëni kiakëxa: “¡filisteo unikama mitsux kamina ꞌëbëbi bërí bamakanti ꞌain!” Usai kikian aín kushibëtanbi titikakin xutunkëx ka anuxua atun dios rabikë xubu atumi rurukubukin filisteo unikama atun ꞌapukama këñunbi xubun kuaintanuma atu këñuakëxa. Usakin ꞌakin ka ax asábi ꞌixuan abë ꞌakanankin ꞌasamaira okin abëbi bamakin Sansónnan xubu chakamikin uni këñuakëxa.

1 Samuel 10:16

Kixun kakëxun ka Saúlnën aín kuku kakëxa: —Nun kuamainubi ka ësokin nu kaxa burro aín xanu akama ka mërakanxa kixun ka nu kaxa. ꞌAínbi ka Saúlnën abë banakian Samuelnën Diosan Bëru ñunshin upitan ka mi ꞌapu ꞌimiti ꞌikë kakë ashi ñuixuanma ꞌikën.

1 Samuel 10:6

Usakin a iskëbë ka Nukën ꞌIbun Bëru Ñunshin mibë ꞌiti ꞌikën, ꞌimainun ka mibë ꞌikin an bana ñuixunkë unikaman sinánsaribi ꞌimikin bana ñuixunun mi ꞌimiti ꞌikën.

1 Samuel 11:6

Kakëxun kuakëbëshia Diosan bëru ñunshin anu ꞌirukëbë ka; ꞌaisamairai Saúl nishakëxa.

1 Samuel 14:1

Bëtsi nëtën ka Saúlnën bakë bëchikë, Jonatánnën aín uni an ꞌakinkë a kakëxa: —Baka shitákiani kuanxun kananuna ꞌukëmanan filisteo unikama ka uaxa abë ꞌakanankin ꞌai kuanti ꞌain. ꞌAínbi ka Jonatánnën ënë ñuikin aín papa usai kana ꞌinuxun ꞌai kixunbi káma ꞌikën,

1 Samuel 17:46

Bërí ka ꞌën ꞌIbun mi ꞌën mëkënanbi ꞌanun ꞌë ꞌamiti ꞌikën, usa ꞌain kana mi ꞌatankëxun min maxká tëbískati ꞌain, ꞌimainun ka filisteo suntárukama bamakë a ñuina pëchiñu kaman ꞌamainun raëkëma ñuina kamanribi aín nami piti ꞌikën. Usokin ꞌakë ka kamabi menu ꞌikë unikaman kuati ꞌikën, an Israel kama ꞌakinkë Dios ax ka asérabi kushiira ꞌikë kixun;