Jueces 14:16 - Kashibo-Kakataibo Biblia

¹⁶ Usakian kakëx kuanxun ka aín xanun Sansón ami inkin kakëxa: —¡Min kamina ꞌë kuëënima! ¡Mix kamina ꞌëmi nishin! Usa ꞌixun kamina ꞌën aintsikama uisai kikë karaisa a bana ꞌikë iskatsi kixun kan, ꞌaínbi kamina min ꞌëbi uisai kikë kara a bana ꞌikë kixun kakëma ꞌain. Kixuan kakëxun ka Sansónnën kakëxa: —ꞌËn papakëñun ꞌën titabi ñuixukëma ꞌixun karana ꞌën uisaxun a bana mi ñuixuti ꞌain.

Jueces 14:16 ပူးပေါင်းရင်းမြစ်များ

Génesis 2:24

Usa ꞌain ka unin aín xanu bikin aín papa aín tita ënti ꞌikën, usa ꞌaish ka a rabëtaxbi achúshi unisashi ꞌiti ꞌikën.

Jueces 14:17

Usokin ñukákëxunbia ñuixunkëxma ka a rapasunuax ini mapai achúshi ꞌimainun rabë́ nëtë sënë́nbi fiesta ꞌikë anun iankëxa, usai inkian ꞌurainra ñukákëxun ka mapai ꞌimainun rabë́ nëtë ꞌikë anun usai ka a bana kia kixun ñuixuankëxa. Usakia ñuixunkëx kuanxun ka aín aintsikama ësai ka a bana kia kixun ñuixuankëxa.

Jueces 16:15

Usakin ꞌaia iskin ka aín xanu Dalilanën kakëxa: —¡Këmëntapun! ¿Uisati karamina ꞌë ismina kuëëni kikínbi ꞌë paránin? Bërí ka rabë́ ꞌimainun achúshi okinmi ꞌëmi kuaikin usokin ꞌë ꞌakë ꞌikën, ꞌaínbi kamina bëríbi uisa kushiñuira ꞌaish kaina usai ꞌi ꞌë kakëma ꞌain.

Jueces 16:16

Usakian Dalilanën nëtë́tibi kamabi hora ꞌurainra ubíokin an kakësabiokin ñukákëx, ka Sansón atsanx a kuaisama tani anunbi bamatisa tankëxa;