Jueces 14:12 - Kashibo-Kakataibo Biblia

¹² A treinta unikama ka Sansónnën ësokin kakëxa: —ꞌËn kana bërí uisai kikë kara ënë bana ꞌikë kixunmi mitsun ꞌë kanun ënë bana mitsu ñukatin. ꞌËn ꞌakë fiesta ënëxa mapai achúshi ꞌimainun rabë́ nëtë basiti ꞌain kamina mitsun uisai kikë kara ꞌën mitsu kakë bana ꞌikë kixun ñuixunkëxun kana, ꞌën achúshi achúshi anun rakuti lino upiokin ꞌakë chupa ꞌinánan chupa achúshi a pañuax fiestanu kuanti mitsu ꞌinánti ꞌain.

Jueces 14:12 ပူးပေါင်းရင်းမြစ်များ

Génesis 45:22

chupa ióbu kuankian chuakë pëanan pañubianti a ꞌinánkëxa, ꞌaínbi ka Benjamín ashi trescientos kuríki manë ꞌakë ꞌimainun mapai achúshibëtan sënën chupa aín pañuti ꞌinánkëxa.

1 Reyes 10:1

Xanu achúshi Sabá menu ꞌapu ꞌiti anëkë an ka aín kushi ꞌinánkin ꞌakinkëxua Salomónnën Diosmi sinani ami kushikin ñu ꞌaia unikaman ñuikania kuakëxa, kuabiani ka an kuaisama ꞌimainun an ꞌunántisama banakama ñukákin tanti sinanx Jerusalén ëmanu kuankëxa. Kuanx ka aín suntárunën kushikaman bëararamainun aín camellokamanu ro sanuira ñusutinu ꞌaruxun camellokamanan nankë akama këñun ꞌaisamaira kuri këñunbi maxá chabáchabákikë upíirabu akama uanx bëbakëxa. Anu bëbaxun ka usakin ñukatia sinánbëtsinkë banakama a banabi Salomón ñukákëxa,

2 Reyes 5:22

—Uisa ñubi ka ꞌikëma ꞌikë —kixun ka Guehazínën kakëxa—. ꞌAínbi ka ꞌën a ñu mëëxunkë uni an ësokin mi kanun ꞌë xuaxa, an Dios kikë bana ñuixunkë uni bëna rabë́ ka bëríbi Efraín menu ꞌikë bashi anuax uax bëbaxa, kixun mi kanun ka ꞌë xuaxa, usa ꞌain mi tres mil kuríki manë uxua ꞌakë ꞌimainun rabë́ ñusuti chupa a rabë́ ꞌinánun buánminun ka kiaxa.

2 Reyes 5:5

Kuanxua ñuixunkëxun ka Sirianu ꞌikë ꞌapun kakëxa: —Asabi ka ꞌën kana mi xutin usa ꞌain kana achúshi kirika kuënëokë Israelnu ꞌikë ꞌapu buámiti ꞌain. Usokin kakëx ka Naamán kuankëxa. Kuankin ka treinta mil kuríki manë uxua ꞌakë bianan, seis mil kuríki kuri ꞌakë bianan mapai rabë́ chupa aribi anúan an bana ñuikë uni pëxkukëxun kupíoi kuanti akama biakëxa,

Proverbios 1:6

uisai kara ñu ꞌunairakë unikama ax bëtsi ñuikësai kia anbi kuanan, bëtsi ñu ñui banakë ꞌimainun a ꞌunánti banakama kikë abi uisai ki kara a banakama kia abi kuatia.

Proverbios 31:24

ꞌIanan ka tari ꞌanan anun tsitëkërëkikë akama, ꞌatankëxun an ñu marukë unikama maruia.

Mateo 13:13

ꞌËn ꞌaia isquinbi ca atun ꞌën cushi Nucën Papa Diosan ꞌë ꞌináncë a sinanima. Atun pabitan ꞌën ñuixuncëxun cuaquinbi ca uisai quicë cara quixun ꞌunántisama tania. Usa ꞌain cana acaman cuaisabi oquin ñuiquinma bana itsi ñuicësoquin ñuin.

Mateo 13:34

Usoquin ca Jesusan bana itsi ñuicësoquin bëtsi bëtsi ñu ñuiquin anu ꞌicë unicama bana ñuixuancëxa. Bëtsi banánma usoquinshi ca bana ñuixuancëxa.

Mateo 27:28

Timëxun ca Jesús ax isa ꞌapu ꞌicë quixun ꞌusánquin aín chupa pëmixun chupa minanën pucucësa a pañumianan

Mateo 6:19

Ënë nëtënuax ñuñuira ꞌiti cuëënquian unin ꞌaisamaira ñu bitsiabi ca bëtsi bëtsi ñu nacuaxan cëñumainun bëtsi bëtsi ñuxa puibuax chëquimainun bëtsi bëtsi ñu an ñu mëcamacë unin unë́xun xubunu atsínxun mëcamatia. Usa ꞌain camina axa ñuñuira ꞌiti cuëëncë uni asaribi ꞌitima ꞌain.

Lucas 14:7

Pi unun quixuan unin camicë unicaman uxun, anua aín cushicama tsóti anu tsónuxun caisia isquin ca Jesusan bana itsi ñuicësoquin, ësaquin atu cacëxa:

Juan 16:29

Cacëxun ca aín ꞌunánmicë unicaman cacëxa: —Asábi ca, bërí camina bëtsi ñu ñuicësoquin ñuiquinma —usa ca —quixúnu upí oquin ꞌunánun nu bana ñuixunin.

1 Corintios 13:12

Espejo upíirama ꞌaínu upí oquin anun ñu iscëma usaribi oquin cananuna uisaira cara Nucën Papa Diosan sinan ꞌicë quixun camaira ꞌunaniman. Usa ꞌaínbi cananuna aín nëtënu ꞌixúinra ꞌunánti ꞌain. Bërí cana camabiira ꞌunaniman. Usa ꞌixunbi cana ꞌunánti ꞌain, an ꞌë ꞌunáncësaribi oquin.

Santiago 5:2

Mitsun curíqui ꞌimainun mitsun ñucamaribi ca chëquiisa ꞌicën, mitsun chupa upíburibi ca nacuaxan piisa ꞌicën.

Jueces 14:11

ꞌAínbi ka filisteo unikama ami rakuë́këbëtan an biti xanúan ꞌunánkë treinta uni bënákama uankëxa.

Jueces 14:13

ꞌAínbi kamina mitsun uisai kikëira kara a bana ꞌikë ꞌë upíokin kakinma mitsu achúshi achúshinën anun rakuti lino upíira ꞌakë chupa ꞌë ꞌinánan aña fiestanu kuanti chupa ꞌë ꞌinánti ꞌain. Ësokin kakëxun ka atun kakëxa: —Nu kamina kamaxunbinu kuanun mix kikë bana a ñuixunti ꞌain.