Jueces 13:20 - Kashibo-Kakataibo Biblia

²⁰ ꞌaxunkëbëa tsi rëkirui rëarukësa a nëbë́tsia anun Nukën ꞌIbun ángel naínu kuania ka Manoa ꞌimainun ain xanun isakëxa. Usai ꞌia isi ka rabëtaxbi aín bëmánanën me tikai tsóbuakëxa.

Jueces 13:20 ပူးပေါင်းရင်းမြစ်များ

Génesis 17:3

Usakian Nukën ꞌIbu Diosan kakëx ka Abram rantin puruni aín bëmánanën me tikai tsóbuakëxa usai ꞌiaka kakëxa:

2 Reyes 2:11

Ësai kia a rabëtax kanankiani kuankëbëbi ka Diosanbi ꞌimikëx, bënëtishi achúshi caballonan nirinkë anu tsi rëkirukësa ꞌimainun caballonuribi tsi rëkirukësa ax mërakëxa, mërakëbëa Elías abë ënanani anu ꞌiruia ka suñúan kushiira mañákë anbi birubiankin naíkamë ꞌëonu buánkëxa.

Salmos 47:5

¡Nukën ꞌIbu Dios ax ka anua ꞌikë anu kuaruaxa, kuëëni sharákian carnero mancha banokëbë ka kuaruakëxa!

Ezequiel 1:26

Kuanan kana anu niti ꞌakë a manámia anu tsóti ꞌakësa maxax upíira zafiro kakë, kuman batsisa isan isanan kana anu tsóti a manámiaribi uni achúshi iskësa ꞌiaxa.

Ezequiel 1:28

ꞌuí ꞌibúnuxa nëtë kuínu nón bai mërakë usaribi ꞌiaxa, usa ꞌain kana ꞌën Dios ax ka kushiira ꞌikë kixun isan. Usa ꞌikë isi kana ꞌëx rantinpuruni memi bëtiki ꞌian.

Mateo 17:6

Ësai quia cuati ca ꞌaisamairai racuëti memi bëúmpucuti racábuacëxa.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Jueces 6:19

Kabiani aín ꞌikënu kuanxun ka Gedeónën achúshi cabranën tuá rëxun mëníonan, veinte litrobëtan sënë́nsa harina anun chamiti ñu këñuma pán ꞌakëxa; ꞌatankëxun ka aín nami tasánu ꞌaruanan aín baka bikë a kënti achúshinu ꞌaruakëxa, ꞌarubiankin ka anua in papa ꞌikë a tëmú akamabi buani kuankëxa.

Jueces 6:21

ángelnën aín tsati rëbun nami ꞌimainun pánkama a tikakëbëshi maparanuax rëkirukin tsin nami ꞌimainun pán këñukin xarokëxa; xarokëbëa aín bërunuaxbi Nukën ꞌIbun ángel nëtë́tia ka Gedeónën istëkëama ꞌikën.