Juan 6:33 - Kashibo-Kakataibo Biblia

³³ Nucën Papa Diosan uni ꞌinan piti ax ca axa naínuax uá ꞌë ꞌicën. Usa ꞌaish cana ꞌëx an ainan ꞌaísha Nucën Papa Diosbë ꞌinun ënë nëtënu ꞌicë unicama ꞌimiti a ꞌain.

Nukën 'Ibu Diosan ain unikama 'inan ain bana

³³ Nucën Papa Diosan uni 'inan piti ax ca axa naínuax uá 'ë 'icën. Usa 'aish cana 'ëx an ainan 'aísha Nucën Papa Diosbë 'inun ënë nëtënu 'icë unicama 'imiti a 'ain.

Juan 6:33 ပူးပေါင်းရင်းမြစ်များ

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 3:13

Uinu ꞌicë unínbia anu ꞌicë ñu ꞌunáncë ꞌaímabi cana ꞌën cuni anuax uá ꞌixun ꞌunanin.

Juan 6:32

Cacëxun ca Jesusan cacëxa: —ꞌËn cana asérabi mitsu cain, an naínua ꞌibúmiquin unicama pán ꞌinan ax ca Moisésma Nucën Papa Dios ꞌiacëxa. An a pán ꞌinan ꞌaínbi ca Ñucën Papa Diosan bërí ꞌináncë ax ca anúan uni asérabi upiti tsóti a ꞌicën.

Juan 6:41

—ꞌËx cana Nucën Papa Diosan naínua ꞌibúmiquin uni ꞌinan piti, a ꞌai —quiáxa Jesús quicëbë ca judíos unicamax ami nishi Jesús ñui

Juan 6:48

ꞌËx cana anúan uni Nucën Papa Diosbë upí ꞌiti a ꞌain.

Juan 6:50

Usa ꞌaínbi cana ꞌëxribi naínuax ucë pán unin piá usaribi ꞌain. Aín nami cushi ꞌaish upí ꞌinuxun ca unin ñu piia, usaribiti ca uni upí ꞌaish xënibua ꞌaínbi Nucën Papa Diosbë ꞌinux ꞌëmi catamëti ꞌicën.

Juan 6:58

ꞌËx cana naínuaxa uá pitisa ꞌai quiax cana ꞌëx quin. ꞌËx cana mitsun raracaman piá manásama ꞌain. Mitsun raracamax ca maná cacë ñu pibi bamatimoi tsoóma ꞌicën. Usa ꞌaínbi ca an ꞌëmi catamëquin ꞌë picësa uni ax ainan ꞌaish xënibua ꞌaínbi Nucën Papa Diosbë ꞌiti ꞌicën.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.