Juan 5:38 - Kashibo-Kakataibo Biblia

³⁸ Nucën Papa Diosan xucë ꞌicëbimi mitsun ꞌën bana cuacëma ꞌain cana ꞌunanin, camina aín bana mitsun nuitunën sinánquin cuacëma ꞌai quixun.

Nukën 'Ibu Diosan ain unikama 'inan ain bana

³⁸ Nucën Papa Diosan xucë 'icëbimi mitsun 'ën bana cuacëma 'ain cana 'unanin, camina aín bana mitsun nuitunën sinánquin cuacëma 'ai quixun.

Juan 5:38 ပူးပေါင်းရင်းမြစ်များ

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Juan 1:11

Ënë nëtënu ꞌicë unicaman ca an unio ꞌixunbi, atubë ꞌinúxa ucëbi biisama tancëxa.

Juan 15:7

Mitsux ꞌëmi catamëanan ꞌën bana manuima ꞌëx quicësabi oi ꞌicë ꞌixunmi ñucácëxun ca Nucën Papa Diosan mitsúnmi cacësabi oquin mitsu ꞌaquinti ꞌicën.

Juan 8:37

Abrahamnën rëbúnqui camina ꞌai quixun cana ꞌën mitsu ꞌunan. Usaquin ꞌën mitsu ꞌunáncë ꞌaíshbi camina ꞌën bana cuaisama tani ꞌë ꞌacatsi quiax ꞌëmi ꞌësë́nanin.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

Josué 1:8

ꞌImainun kamina uinsaranbi ënkinma a tanti bana ꞌën ꞌamikëxun Moisésnën kuënëo bana nëtën isanan imë́ribi isti ꞌain, usakin ꞌakin kamina ënkinma ënë bana kikësabiokin ꞌati ꞌain. Usakin mi ꞌakëbë ka kamabi ñu mitsun ꞌakë ñukamax upí ꞌiti ꞌikën.

1 Juan 2:14

Uni apáncama, mitsúnmi axa ënë mecama unioisama pain ꞌaíshbi ꞌiá, Nucën Papa Dios, ainan ꞌixun ꞌunáncë cupí cana mitsu quirica cuënëoxuan. Bëná unicama, mitsux Jesucristomi cushicë ꞌianan Nucën Papa Diosan bana mitsun nuitunënbi sináncë ꞌixun ñunshin ꞌatimanën ꞌapúan ñu ꞌatima ꞌamitisa tancëxunbi ꞌacëma cupí cana mitsu quirica cuënëoxuan.