Juan 5:22 - Kashibo-Kakataibo Biblia

²² ꞌËn Papax ca uicamax cara aín ꞌucha tërë́ncë ꞌicë quianan uicamaxribi cara ꞌuchañu ꞌicë quiax quima. Usa ꞌixun ca ꞌëx aín Bëchicë ꞌicë usoquin ꞌanun ꞌë cuni ꞌimiaxa,

Nukën 'Ibu Diosan ain unikama 'inan ain bana

²² 'Ën Papax ca uicamax cara aín 'ucha tërë́ncë 'icë quianan uicamaxribi cara 'uchañu 'icë quiax quima. Usa 'ixun ca 'ëx aín Bëchicë 'icë usoquin 'anun 'ë cuni 'imiaxa,

Juan 5:22 ပူးပေါင်းရင်းမြစ်များ

Salmos 96:13

usai ꞌika Diosan ꞌismainun kantati ꞌikën! ¡Ax ukin ka ënë menu ꞌikë ꞌapu ꞌixun ꞌakinti ꞌikën, ꞌakianan ka kamabi menu ꞌikë ëmakamanu ꞌikë unikamaribi ꞌakinkin asérabi an ñu upíokin ꞌati ꞌikën!

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

Juan 5:27

Uni ꞌinux anuax uá cupí ca uicamax cara aín ꞌucha tërë́ncë ꞌicë isanan uicamax cara ꞌuchañu ꞌicë isnun, Nucën Papa Diosan ꞌë ꞌimiacëxa.

Juan 9:39

Rabicëxun isquin ca Jesusan cacëxa: —ꞌËn a uni ꞌunánmiti ñu ꞌunáncëma pain ꞌaish bëxuñusa ꞌixunbi ca ꞌëmi catamëquin bëxuñumasa ꞌixun unin ꞌunánti ꞌicën. Usa ꞌaínbi ca an —ꞌën cana ñu ꞌunani —quixun sináncë uni ax ꞌëmi catamëtiama ꞌën ꞌunánmicëma ꞌaish usabi bëxuñusa ꞌiti ꞌicën. Usaía ꞌinun cana uacën.

Hechos 10:42

Usa ꞌicë ca aín bana unicama ñuixunun xuquin nu ësaquin cacëxa: Nucën Papa Diosan ꞌimicëxun cana ꞌën, uni bamacëmacama ꞌimainun bamacë unicamaribi, uisaira cara ënë menuax ꞌiaxa quixun ꞌunánquin, Nucën Papa Diosbë cara ꞌiti ꞌicë, cara ꞌitima ꞌicë quixun cati ꞌain. Usaquin camina unicama ñuixunti ꞌai quixun ca Jesusan nu cacëxa.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

2 Timoteo 4:1

Nucën Papa Dios ꞌimainun Nucën ꞌIbu Jesucristo, ax ꞌApuira ꞌaish uxuan uni bamacëmacama ꞌimainun uni bamacëcamaribi, uisa cara oti ꞌicë quixun isti, an cuamainun cana mi cain,

1 Pedro 4:5

Mitsu ñuiabi ca ax utëcënquin Cristonën a unicama ꞌimainun camabi uniribi, axa bamacëmacama ꞌimainun bamacëcamaribi —uisa carana ënë unicama oti ꞌai —quixun isti ꞌicën, an ꞌacë ñucama ꞌunánquin.