Juan 5:16 - Kashibo-Kakataibo Biblia

¹⁶ Usa ꞌain ca anun ñu mëëtima nëtëan uni pëxcucë cupí, judíos unicamax Jesús ꞌacatsi quiax ꞌësë́nancëxa.

Nukën 'Ibu Diosan ain unikama 'inan ain bana

¹⁶ Usa 'ain ca anun ñu mëëtima nëtëan uni pëxcucë cupí, judíos unicamax Jesús 'acatsi quiax 'ësë́nancëxa.

Juan 5:16 ပူးပေါင်းရင်းမြစ်များ

Mateo 12:13

Catancëxun ca Jesusan, uni aín mëcë́nmi ñucë cacëxa: —Ca mëshpat. Cacëx mëshpatishi ca mëpëxcüacëxa, aín mëcën itsisaribi upí ꞌitánun.

Marcos 3:6

Usocëbë chiquíquiani cuanx ca fariseo unicama axa Herodesmi sináncë unicamabëtan Jesús ñui, uisoxun ꞌati cara quiax ꞌësë́nancëxa.

Lucas 6:11

Usaquian ꞌaia isi xuamati nishi ca uisa caranuna Jesús oti ꞌai quiax ꞌësë́nani canancëxa.

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 10:39

Usaquin cacëxuan biisa tancancëxbi ca anuax cuani nëtë́acëxa.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Juan 5:10

cuania isquin ca judíos unicaman ꞌinsíncë ꞌaíshbia pëxcúcë uni cacëxa: —Ënë nëtëx ca anun ñu mëëtima nëtë ꞌicën. Ënë nëtën camina anumi racácë ñu ꞌiábiantima ꞌain.

Juan 5:13

Cacëxunbi ca ꞌaisamaira uni anu ꞌaían Jesús ꞌuri cuan, ui unin cara a pëxcüaxa quixun ꞌunánma ꞌicën.

Juan 5:15

Usaquian Jesusan cacëxun, ax ca Jesús ꞌicë quixun sinánbiani cuanxun ca a unin judíos unicama, —Jesusan ca ꞌë pëxcüaxa —quixun cacëxa.

Juan 5:17

ꞌËsënaniabi ca Jesusan atu cacëxa: —ꞌËn Papan ꞌacësaribi oquin cana ꞌën ꞌain.

Juan 5:18

Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa ꞌicë quianan ax isa Nucën Papa Diossaribi ꞌicë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a ꞌacatsi quiax ꞌësë́nancëxa.

Juan 7:21

Cacëxun ca Jesusan cacëxa: —Anun ñu mëëtima nëtën ꞌën uni pëxcucë a camina sinanin.

Juan 7:25

Usa ꞌain ca Jerusalénu ꞌicë uni raírinëx quiacëxa: —¿A ꞌacatsi quiáxa ami ꞌësë́nancë uni, ama cara ënëx ꞌic?