Juan 4:32 - Kashibo-Kakataibo Biblia

³² Cacëxunbi ca Jesusan cacëxa: —Mitsun ꞌunáncëma pitiñu cana ꞌëx ꞌain.

Nukën 'Ibu Diosan ain unikama 'inan ain bana

³² Cacëxunbi ca Jesusan cacëxa: —Mitsun 'unáncëma pitiñu cana 'ëx 'ain.

Juan 4:32 ပူးပေါင်းရင်းမြစ်များ

Salmos 119:103

Mix usai ñu ꞌakatsi kikë bana ax ka bata ñubëtan sënë́nmaira ꞌikën, usa ꞌaish ka buna rëpa ain banua tankësamaira ꞌikën.

Salmos 63:5

Usai ꞌitsaira kuëëni kana, unin timë́xun piti upíokin ꞌaxun pianan xëai kuëënkësa usaribiti ꞌikin, ꞌën kuëbitanbi kuëënkin mi rabiti ꞌain.

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Jeremías 15:16

Uínsaran kaina min ꞌë kai anun kana ꞌëx upíokin min bana kuati piti nëishokin ꞌakë pi kuëënkë, usaribiti kuëënun ꞌë ꞌimiakëxa, minmi kakë bana an ka ꞌë kuëënun ꞌimiakëxa ꞌëx minan ꞌikë. Nukën ꞌIbu Dios mix kamina kamabi kushiñuira ꞌain.

Juan 4:31

A xanúa cuancëbëtan ca aín ꞌunánmicë unicaman Jesús —camina piti ꞌai —quixun cacëxa.

Juan 4:33

Cacëx ca aín ꞌunánmicë unicamax —bëtsi unin sapi ca a piti bëxuanxa —quiax canancëxa.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Hechos 20:35

Usaquin ñu mëëcë ꞌixun cana mitsu ꞌunánmia, mitsúnribimi usoquin ꞌanun, ñuñuma uni ñu ꞌinánuxun. Usaquin ꞌati sinani ca Nucën ꞌIbu Jesús ësai quiacëxa: “A unin ñu ꞌináncë uni ax cuëëncësamaira oi ca an uni ñu ꞌináncë uni ax cuëënia”. A bana camina manuquinma sinánti ꞌain.

Apocalipsis 2:17

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma unicama cana anúan masá nuitutíma upitax ꞌiti a ꞌinánti ꞌain. Bëráma Nucën Papa Diosan camabi nëtën maná cacë piti judíos unicama ꞌinánsaribi oquin cana maná, ꞌën nëtënu unëcë, a unicama ꞌinánti ꞌain. ꞌInánan cana maxax uxua, a unicama achúshi achúshi, anu aín anë itsi cuënëocë, a ꞌinánti ꞌain. Uni itsían ꞌunaniamabi ca acama achúshi achúshinënshi aín anë ꞌunánti ꞌicën.